fimmtudagur, október 20, 2005

Café Europa og prentkvótar

Var að koma heim frá því að borða með Ásdísi mágkonu og mömmu hennar. Borðuðum á Café Europa á strikinu og ég fékk þetta dýrindis laxasalat. Ekki slæmt :o) Gaman að hitta þær tvær!

Er annars að fara til Belgíu á morgun. Flug kl. 17:35, mæting kl. 19:00 í Herentals. Verð á skátafundi alla helgina, og skátabúningurinn heima :o/ Er bara með bandalagsflísina og ekki einu sinni klút! Hugsa að það verði púað á mig þarna hehe

Fyrir utan þetta er bara ekkert skemmtilegt að gerast. Fór á bókasafnið sem er við hliðina á Panum (Panum er læknadeildin) og prentaði út ókeypis. Svoldið kjánalegt að ég þarf að borga fyrir hvert blað sem ég prenta á Panum, þrátt fyrir að vera nemandi við deildina, en svo get ég labbað yfir götuna á eitthvað "almenningsbókasafn" (er reyndar tengt háskólanum en það getur hver sem er farið þangað) þar sem ég þarf ekki einu sinni að skrá mig inn, og prentað heilu bækurnar án þess að nokkur segi neitt! Og allt er þetta hluti af sömu stofnuninni! En þar sem þetta var næst-merkilegasti hluturinn sem gerðist í dag þá sjáið þið hversu viðburðarríkt þetta er hérna ;o) Alltaf bara efnafræði, efnafræði og meiri efnafræði. Það mætti halda að ég væri að taka gráðu í efnafræði en ekki læknisfræði!

En alla vega, farin að pakka, og svo kannski að horfa á einn þátt af Joey áður en ég fer að sofa :o)

miðvikudagur, október 19, 2005

Skype og webcam

Tæklaði tæknina í gær og setti upp webcam :o)

Er líka með skype-nafnið fridurfinna, þannig að endilega að adda mér og taka upp tólið...
... eða þá headsettið :o)

þriðjudagur, október 18, 2005

Hyggeligt og huggulegt!

Þetta er kvöldið til að "hygge" sig! Enginn skóli á morgun, reyndar þeim mun meira heimanám en það verður alla vega bara farið í íþróttabuxur og lesið við eldhúsborðið. Ekkert vesen að ákveða fyrirfram hvaða námsbókum maður þarf að pakka niður í tösku, hvað á að taka með að borða og svo framvegis og framvegis! Og til að toppa það þá hef ég íbúðina fyrir sjálfa mig þar sem parið er á ferðalagi í Þýskalandi þessa stundina og kemur ekki aftur fyrr en á fimmtudag. Og á föstudag fer ég svo til Belgíu og verð þar á fundi fram á sunnudag, gisti hjá Rennie vini mínum í eina nótt og kem "heim" á mánudag :o)

Það er samt búið að vera nóg að gerast, fékk uppáhalds mágkonuna mína í heimsókn á laugardaginn og það endaði nú með þvi að hún gisti hjá mér eina nótt. Í dag hitti ég svo Guðný Erlu sem er frá Króknum og er á 5 önn, og átti með henni góðar stundir á Laundromat - kaffiþvottahúsinu hans Frikka Weis á Elmegade ;o) Hann tók reyndar sjálfur á móti okkur og var svo bara móðgaður að við skyldum tala við hann dönsku en ekki íslensku. Sorry Frikki, það er bara svona með þetta utanaflandipakk, við bara horfum ekki svo mikið á skjá einn, jafnvel ekki þó við búum í Reykjavík (alla vega ekki ég, og greinilega hefur hún ekki gert það heldur ;o) Hann gaf sér nú samt tíma til að koma og spjalla við okkur þarna á meðan við (ég) borðuðum, alltaf jafn heimilislegt að vera Íslendingur í útlöndum!!!

Það er samt að verða ógissliga kalt hérna!!! Langar geðveikt í nýja íslenska ullarpeysu og sé svakalega eftir að hafa ekki prjónað eina í sumar. Ef einhver á flotta uppskrift má hann endilega senda mér (og kannski láta mig vita svo ég geti pantað garnið og annað að heiman ;o) Ég skora á ykkur Önnurnar, grunar fastlega að þið eigið þetta einhvers staðar! En jæja, ætla að gera aðra tilraun við ruv.is, var ekki að virka áðan en vonandi er þetta komið í lag núna!

P.S. Heillaði strákana í skemmtinefndinni upp úr skónum með tölvukunnáttu og -eign minni í dag. Fyrst með því að hafa nettengt tölvuna sjálf í skólanum, og svo með lausa harða disknum mínum ;o) Verð samt að segja að ég hef orðið fyrir hálfgerðu tölvumenningarsjokki hérna. Margir eiga reyndar alveg flottar tölvur en vita sko ekki baun hvernig á að nota þær!!!

P.S.S. Þið sem voruð að kvarta yfir commentakerfinu, er búin að breyta þessu svo nú getið þið commentað að vild :o)