fimmtudagur, maí 18, 2006

Hvar er orlofið mitt?!!??!

Var búin að gera fastlega ráð fyrir því að fá inn á reikninginn minn væna slummu af orlofspeningum, og eiginlega búin að eyða þeim í orlof, eða alla vega flugferðir, og svo bara kemur ekki neitt!!!! Hvar eru þessir peningar eiginlega?!?!?!?

Hjólaði annars í dag, í grenjandi rigningu niður í sendiráð Íslands til að kjósa, og hef bara aldrei verið svona blaut, nema kannski eftir að hafa dottið/labbað út í tjörnina í Fjölskyldugarðinum eða eftir eitthvað annað álíka skynsamlegt atvik ;o)

Var orðin svo blaut að það voru pollar á borðinu þar sem ég lagði hendina á meðan ég var að fylla út öll þessi umslög og dæmi. Fékk mér til sálarbóta glas af ------- úr einhverri móttöku sem fór þarna fram. Lofaði að segja ekki frá því svo að sendiráðið fyltist ekki bara af fólki sem heldur að það geti bara komið til að fá ------- á hverjum degi ... ... og þið hafið heldur aldrei heyrt neitt!!!

Rifjaði upp við þetta tilefni að ég hef nánast alltaf kosið utankjörstaðar síðan 1998. Það gerir 3 sveitarstjórnarkosningar, alla vega einar forsetakosningar og einar alþingiskosningar. S.s. bara einu sinni kosið á kjörstað síðan ég fékk kosningarrétt og það var árið 1999!!!

Geri ekki ráð fyrir að kjósa oft heima á næstu árum svo það er eins gott að fara að venjast þessu ;o)

Nú er ég samt búin að senda Stefán út í búð og þóttist sjálf ætla að klára að undirbúa matarboðið sem byrjar eftir hálftíma, lambalærið í ofninum og lyktin að gera mig brjálaða, svo bara, adios gott fólk :o)

sunnudagur, maí 14, 2006

Luft under vingerne

Kim Larsen blastar í græjunum, og Stefán kemur eftir 2 tíma. Gerist það betra?
Yfir mig hrinur holskefla brúðkaupsboða, eitt í Belgíu þann 17 júní og annað í Tyrklandi 16 sept. Búin að missa af þremur heima á Íslandi, og afboða mig í þetta 17 júní. Það er víst ekki alveg heppilegasti tíminn, svona mitt á milli tveggja prófa. Gæli samt enn við hugmyndina um að fara til Tyrklands, eins og barn í sælgætisbúð, sem veit að þetta er óhollt en langar samt. Get farið að sjá eftir því að hafa ekki látið meta eitthvað af þessu sjúkraþjálfunarnámi mínu, hefði alla vega getað sleppt blessuðum tölfræðiáfanganum sem ég verð í þarna í sept, en svo er nú alltaf gott að lesa í flugvél....

Fór óvænt á djamm í gær. Við Helgi Jean endurnýjuðum kynnin frá F&H, Sauðárkróki eða hvar uppruni þeirra nú er, síðasta sunnudag þegar við sátum í 5 tíma á bekk í kirkjugarði. sem er reyndar ekki kirkjugarður í þeirri meiningu að það liggi dáið fólk út um allt, en garður í kringum kirkju er líka kirkjugarður. Ákváðum að viðhalda sunnudagahefðinni og hittast seint á laugardagskveldi og fram á sunnudag og úr varð hið besta kvöld með flösku af rauðvíni handa mér og bjór handa honum og samleigjendunum. Lenti í þeirri ótrúlegu aðstöðu að fara að ræða þjálfunaraðferðir í fótbolta, eða reyndar frá mínu sjónarhorni, þjálfunaraðferðir yfir höfuð þar sem fótbolti á afskaplega lítinn hlut í huga mínum. Kom seinna heim en ég ætlaði, en nú er ég farin út í göngutúr áður en ég næ í Stefán