föstudagur, júní 22, 2007

búin að panta öll flugin mín :o)

Jæja, þá small þetta allt saman að lokum.

Búin að panta flug frá DK til London þann 27. júlí á 5000 ISK, London til Reykjavíkur þann 12. ágúst á rúmlega 20.000 ISK og svo Reykjavík til Kaupmannahafnar þann 29. ágúst á tæplega 10.000 ISK. 3 flugfélög og tæplega 12.000 ISK á legg. Og þá vitið þið líka hvenær ég verð á Íslandi, og hægt að panta tíma í hitting frá og með núna ;o)

Hef annars varla vitað hvað ég á af mér að gera þessa síðustu daga. Engar skólabækur sem bíða, ekkert sem á eftir að lesa og ekkert sem bíður þess að vera gert. Eiginlega alveg óþekkt tilfinning svona síðustu árin, svo mér datt helst í hug að fara að lesa um nýrun, fyrst ég á nú einu sinni bókina sem efnið er í. Beytti sjálfa mig ströngu til að VERA Í FRÍI!!!! og lesa Harry Potter sem er í millilendingu hérna á leiðinni til Íslands ! Maður kann þetta varla lengur!

Annars er enn einn missirinn við það að búa í útlöndum í dag. Bidda móða á afmæli í dag, og heldur upp á 50 árin sín á Litla-Lóni í blíðskaparveðri. Væri sko meira en til í að vera þar með ykkur öllum! :o( En það verða bara hjartanlegar afmælisóskir frá mér til þín Bidda, og góða skemmtun í partýinu! :o)

5 Comments:

Blogger Kristín Una said...

Harry potter að millilenda á leið til íslands? ÞAð þýðir ekki að skrifa svona bull sem maður skilur ekki!
Annars var ég að koma úr partýinu. Það var fínasta fjör, við sigyn fórum í fjöruna, sáum dauðan sel(höldum við) og dauðan máf og tókum myndir. Ortum líka í sandinn.

Og þarna er ég á myndinni, í lopapeysunni góðu sem ég er að verða búin með. hún er að detta í sundur!

Til hamingju með að vera búin í prófinu:) Reyndu nú að njóta þess að vera í fríi eins og menneskja.

23 júní, 2007 02:40  
Blogger Kristín Una said...

Og móða finnst mér ekki gott orð fyrir móðursystir. Ef ég vissi ekki hvað þú værir að tala um þá vissi ég ekkert hvað þú værir að tala um!

23 júní, 2007 02:41  
Blogger Fríður Finna said...

Enda er þessi lopapeysa búin að þjóna mörgum kynslóðum blessunin! Spurning um að þræða í veikustu punktana svo þetta verði eins og hamarins hans afa. Búinn að eiga hann í 40 ár, 7 sinnum búinn að skipta um skaft og 3 um haus, en alltaf sami gamli góði hamarinn ;o) En Harry Potter er á leiðinni frá Viborg til Íslands, og millilendir hérna í Kaupmannahöfn á leiðinni, þetta skilur hver hugsandi maður Kusa ;o)

25 júní, 2007 00:11  
Anonymous Nafnlaus said...

Þrettánda ágúst á ég 25 ára afmæli, held að það sé mánudagur veit ekki alveg...en allavega þá var mér sagt það um daginn að þegar maður verður 25 ára eigi maður að halda vel uppá það og ef ég geri það þá ertu boðin!

Þakkaannars kærlega fyrir síðast. Nú hlýtur stefnan að vera sett á að heimsækja ykkur skötuhjúin aftur áður en náminu þínu líkur.

Kv. ari

26 júní, 2007 16:14  
Blogger Unknown said...

Sammála Kusu um móðu, það hljómar dáldið eins og gufa ...

27 júní, 2007 23:54  

Skrifa ummæli

<< Home