Námsmannalíf í Kóngsins Köben

Ameríkuferð – hluti 3

2009-04-17T18:08:00.001+02:00

Á sunnudeginum leyfðum við okkur að sofa út, en settum svo stefnuna á eitthvert útsölumoll sem þau hjónin höfðu nýtt sér eitthvað. Varð nú að viðurkenna að mér fannst þetta nú hvorki vera útsölur, né moll, en það er víst umdeilanlegt ;o) Í raun var þetta samt meira eins og skeifan eða eitthvað álíka verslunarsvæði, þar sem allt var í sér “húsi” eða húshluta (og ég átti eftir að sjá sárt eftir því að hafa ákveðið að vera að gellast eitthvað á háhæluðum skóm...). Hitt var að eflaust var þetta ódýrara en í búðunum inni í bæjarkjörnum, en þar sem allar búðirnar voru einhver svakaleg merki, þá fannst mér verðlagið ekkert vera neitt til að hrópa húrra fyrir. Geri ráð fyrir að það þurfi að setja þetta allt í samhengi ;o) Náði samt að kaupa mér sólgleraugu (sem voru nauðþurftakaup því ég gleymdi mínum heima í DK) og peysu, sem var algerlega auka-eintak í fataskápinn, en voða fín engu að síður ;o)

Ameríka - 2. hluti

2009-04-13T18:15:00.016+02:00

Á laugardeginum vöknuðum við eldsnemma (áður en Ipodinn var byrjaður...), pökkuðum niður rúmfötum, dýnum og tjaldi,útbjuggum nesti og lögðum svo í ‘ann.

Áfangastaður Yosemite þjóðgarðurinn í Kaliforníu. Við keyrðum í ca 4 tíma, gegnum fullt af litlum bæjum og þorpum og kom það mér mest á óvart hvað vegakerfið er lélegt þarna. Endalausar beygjur og sveigjur, mjóir vegir, og frekar ósléttir. Ekkert með að fræsa upp allt malbikið á hverju sumri eins og á Njarðargötu þarna!
Borðuðum í “Staðarskála” sem var samt meira eins og Blönduskálinn, staðsettur í litlum bæ, og virtist vera hálfgerður miðpunktur umhverfisins ;o) Þetta var í eina skiptið sem ég borðaði hamborgara í Ameríku og get ekki sagt að það hafi verið mikill munur á þeim og þeim íslensku...

Að lokum fórum við að sjá í “the half dome” sem var aðalsmerki þjóðgarðsins, og er risavaxinn klettur sem er í laginu eins og hálf bjalla. Það var samt hægt að keyra lengi lengi áður en við komum inn á aðalsvæðið, og mörg stopp til að skoða náttúrufegurðina sem var gífurleg. Há fjöll, risavaxin tré og fossar í þröngum gilum sem er alveg ólíkt því sem maður þekkir frá Íslandi.

Við komumst fljótlega að því að þessi garður væri meira fyrir fjallgöngugarpa en fólk í rölt/bílaleiðangri. Hann er ekki stærri en svo að við náðum að keyra eftir flestum vegunum (alla vega þeim sem voru opnir á þessum árstíma), og ganga talsvert út frá þeim þennan sama dag, svo við ákváðum að nýta daginn bara til fulls þarna, en keyra frekar til baka og sofa heima í hlýjunni.
Það virkaði ekkert svo spennandi að fara að planta sér niður í tjaldi í skítakulda og snjó, og vægast sagt var undirrituð ekki alveg að pakka fyrir skátaferðalag þegar hún pakkaði niður fyrir ferðina ;o)

Í raun áttum við heldur ekki eftir að skoða svo mikið, nema að ganga á fjallstoppana þarna í kring, sem væri pottþétt þess virði að gera einhvern tímann þegar maður hefði fleiri daga til þess, og að sumarlagi!

Ameríka - 1 hluti.

2009-03-13T12:56:00.006+01:00

Jæja, það er víst komið að því að segja frá Kaliforníuferðinni! Fínt að halda upp á mánaðarheimkomu með því ;o)

Ég lenti frá því að standa á skíðum í Sviss, heim í íbúð, skipta um í töskunum, og svo bara aftur af stað, í þetta skiptið á aðeins heitari slóðir (ja alla vega samkvæmt hitamælinum...) Það liðu sem sagt 16 tímar frá því að ég lenti og þangað til ég var komin aftur út á völl.

Við tók 8 eða 9 tímar til New York, 5 tímar á flugvellinum í Newark og svo 6 tímar frá Newark til San Fransisco. Verð að viðurkenna að ég var orðin svoldið þreytt þegar ég lenti, þrátt fyrir að hafa sofið alla sex tímana í seinni leggnum, og meira segja misst af matnum, ég svaf svo fast (það er annars eitthvað sem gerist aldrei...) Var heldur ekki alveg sama þegar ég fór í gegnum tollinn og eftirlitið til að komast “inn” í USA, því ég þurfti að fara í blóðprufur meðan ég var heima ( á 16 tímunum) og var öll sundurstungin og með marbletti upp og niður handleggina. Gott svona :o)

Þegar ég var svo lent í San Fransisco og komin með farangurinn minn tók við að reyna að finna þau hjónakorn, Gunnar og Ásdísi. Það lá nú ekkert beint við að finna þau, og að sjálfsögðu virkaði gemsinn minn ekki. Ekki að ég hafi haft vit á því að skrifa niður símanúmer þannig að það hefði nú breytt minnstu, nema gefið möguleikann á að hringja heim til mömmu! Var samt með heimilisfangið því ég hafði hringt eldsnemma og vakið Sigyn til að fá að tékka mig inn, en til þess þurfti ég heimilisfang, og hafði þó haft vit á að skrifa það aukalega niður fyrir sjálfa mig en ekki bara brottfarartékkið.

Eftir smá stund brunuðu þau samt í hlaðið, og vandamálið horfið úr sögunni :o) Eftir u.þ.b. 40 mín keyrslu komum við heim til þeirra, í afskaplega kósý og vinalega íbúð, það má alveg hrósa Bandaríkjamönnunum fyrir hönnun stúdentagarðanna, alla vega mun betur gert en margt af því sem maður sér hérna í dk...

Þar sem það var komið langt fram á kvöld þegar ég lenti, þá var nú lítið gert annað en að borða kvöldmat, og koma sér (mér) fyrir. Minnir að ég hafi náð að sofna á sófanum áður en við fórum í háttinn, og það var nú ekki í fyrsta skiptið sem það gerðist ;o) Daginn eftir vaknaði ég svo við einhver undarleg hljóð, og ætlaði aldrei að finna út úr því hvað væri í gangi. En í stuttu máli, þá átti ég eftir að vakna við Ipodinn hennar Ásdísar kl. 9 á hverjum degi :o) náði nú að læra á þetta að lokum, og var tilbúin með hann við hliðina á mér á morgnana til að slökkva á honum svo ég gæti haldið áfram að sofa ( Það skal samt tekið fram að þegar Ásdís frétti af þessu bauðst hún auðvitað um leið til þess að slökkva á honum permanent, en þá var það komið upp í góðan vana að fara á fætur með ipodnum anyway ;o)

Fyrsta daginn vorum við bara í rólegheitum. Fórum í skoðunarferð um campusinn, og það vantaði ekki að þar væri mikið lagt í útlitið og heildarmyndina. Nánast allar byggingarnar úr sama efni (alla vega ytra byrðið ;o) og mikið af plássi og grænum svæðum. Og allt mjög vel hirt og snyrtilegt, og grasið greinilega vökvað. Og það mátti LABBA á því!!! Það kom mér, fáfróða Íslendingnum á óvart, því ég hélt að það mætti bara hvergi í USA ;o)
Margar af myndunum eru teknar uppi í Hoover turninum, sem er byggður til minningar um fyrrverandi forseta USA, og starfsmann Stanford sem akkúrat hér Hoover, merkilegt nokk... En ég held að flestar byggingarnar þarna heiti í höfuðið á einum eða öðrum, mér fannst skemmtilegast að koma í Hewlett og Packard byggingarnar sem standa þarna hlið við hlið :o) kannski af því að það voru einu nöfnin sem ég þekkti (kannaðist svoldið við þetta Hoover nafn, en það hefði alveg eins getað verið ryksuga mín vegna...). Uppáhaldshúsið mitt var samt án efa Stanford Bookstore, hefði alveg getað eytt mörgum tímum þar inni að skoða. Fatadeildin var svo sem eitthvað út af fyrir sig, maður hefði getað gengið út í engu nema Stanford fötum, yst sem innst (og það virtist reyndar sem sumir nemendur hefðu gert akkúrat það...) en mér fannst samt læknadeildin langskemmtilegust og endaði á að eyða meiri pening þar en samtals í öllum öðrum búðum!

Meira seinna...

California - Stanford og Yosemite

2009-02-12T00:37:00.011+01:00

Denmark-Sviss-Denmark-Kalifornía

2009-02-01T07:01:00.009+01:00

Já, það er ýmislegt búið að gerast síðan síðast.

Fór til Sviss, Our Chalet i Adelboden til að vera nákvæmari, á fund hjá vinnuhópum Evrópustjórnarinnar.
4 dagar af fundarhöldum, og sjaldan verið jafn ánægð eftir svona fundi, þar sem "framleiðni" alla vega míns hóps var í hámarki, og margt í burðarliðnum eftir þetta :o)

Þegar formlegum fundarhöldum lauk tók svo við skíðatímabilið. Vorum 13 manns sem framlengdum dvölina, skíðasvæðið í Adelboden við húsdyrnar, og þjónustan í Our Chalet æðisleg. Verður örugglega endurtekið á næsta ári, vonandi bara í aðeins lengri tíma en núna, þar sem 2 dagar á skíðum líða allt of fljótt.
Varð samt eiginlega hálf hissa á getu minni í skíðum á mánudeginum, þar sem ég hef ekki stigið á skíði í alla vega 2 ár og gekk samt bara nokkuð vel að ráða við brekkurnar, í kappi við fólkið sem fer á hverju ári í skíðaferðir...
Fékk samt að finna aðeins fyrir því seinni daginn, brjáluð þoka, og vindur. Sást varla í skíðin á parti, og ég orðin hálf sjóveik af því að vita aldrei hvað kæmi undir skíðin næst ;o) Fékk líka nokkrar ansi góðar salibunur á rassinum, eða bara andlitinu, svona undir lokin ;o)

Lenti svo í Kaupmannahöfn upp úr 2 á miðvikudeginum, og bara beint heim í að pakka fyrir Kaliforníu, knúsa svona helsta fólkið og bara af stað aftur. Meira af því seinna :o)

punktar úr lífi mínu

2009-01-20T02:33:00.004+01:00

Kláraði próf í dag. Gekk vel. Orðin læknir upp undir rifbein.

Er að ganga frá Ameríkuferðinni.

Fer til Sviss á Miðvikudaginn. Gleymdi líklega ullarnærfatinu heima svo mér verður kalt á skíðunum.

Hélt spilakvöld með nokkrum krækingum.

Borðaði með flugvélakonunni.

Borðaði með Dönskuskólastelpunum.

Eigi smá séns að koma heim í mars. Jeij :o)

Annars bara allt við það sama :o)

Næturvaktablogg

2009-01-14T03:45:00.002+01:00

Jå, tetta blog mitt er ad verda eintomt næturvaktablogg! En hvenær annars situr madur og tarf ad drepa nokkra tima, an tess ad geta gert svo margt annad anyway? ;o)

Er langt komin i næturvaktatørninni, og buin ad upplifa ymislegt nytt.

Medal annars tad ad sjuklingurinn minn do a vaktinni minni, en tad er i fyrsta skipti sem tad gerist. Frekar undarleg tilfinning, og mjog blendnar. Finnst samt ad tetta hafi kannski verid tad besta fyrir vidkomandi sjukling sem var gamall og veikur, og ekki i sambandi vid umheiminn, eda fær um ad njota lifsins a neinn hatt. To ad lifid se gjøf eins og stundum er sagt, ta getur daudinn verid tad lika.

Fannst eiginlega meira sorglegt ad hugsa um lif sjuklingsins en dauda, eins undarlegt og tad kann ad hljoma. Engin nærfjølskylda eda vinir, engin tenging vid umhverfid, engin upplifun, eingøngu dagleg føst rutina a hjukrunarheimili sem breyttist ekki fyrr en hann var lagdur inn a sjukrahus. Ekkert af tvi sem mer finnst svo mikilvægt i minu lifi, og gerir tad tess virdi ad lifa tvi.

Reyndar dou tveir sjuklingar tessa sømu nott a deildinni, to hinn hafi nu ekki verid dedikeradur minn. Og til ad toppa tad, ta endadi eg i bjørgunaradgerdum a tridja sjuklingnum nottina eftir, a annarri deild to. I stuttu mali var teim sjuklingi haldid a lifi tegar eg for, til ad fjølskyldan gæti komid og kvatt i sidasta skipti.

Leist eiginlega ekkert a blikuna tegar eg mætti til vinnu næstu nott, og så ad eg atti ad sitja fast yfir kritiskt veikum sjuklingi!!! Hann var to a lifi tegar eg for heim, og ekkert utlit fyrir ad hann væri neitt ad deyja alveg a næstunni svo eg vona bara tad besta fyrir hans hønd ;o)

yfir og ut, Fridur, sem ekki a von a tvi ad neinn deyi i nott a sinni vakt ;o)

Hversdagsleikinn grár

2009-01-10T18:03:00.003+01:00

Já, þá er maður bara komin aftur í kotið í Kaupmannahöfn. 3 vikur liðnar eins og helgarfrí, og skólinn byrjaður aftur.
Hafði það auðvitað endalaust gott á Íslandi, þrátt fyrir kreppu, enda lítur hún eflaust talsvert öðruvísi út þegar maður veifar danska kortinu sínu og hugsar "deilt med 25..."
Undarlegt samt að hafa allan þennan tíma, og finnast maður samt ekki hafa náð að gera allt það sem maður vildi! En alla vega, þið sem ég náði ekki að sjá, þá verðiði bara að koma á Krókinn næst ;o)

Jólaskrautið farið niður, engin tilmæli til dansksins um að halda hvítu ljósunum uppi svo allt orðið enn grárra en var. (ekki að það hafi verið svo mikið af ljósum anyway...)Tók samt samkvæmt minni fjölskylduvenju ekki niður skrautið fyrr en þann 8., daginn eftir afmælið hans pabba. Og er þeim hjónakornum hér með óskað hjartanlega til hamingju með afmælin þá 6. og 7. janúar :o)

Skilaði af mér öllum gögnum til að mega taka próf í gær, og er svo bara á næturvaktarúnti núna. 8 vaktir, hálft helgarfrí, próf og svo skíði í Sviss (reyndar fylgt af einhverju fundaveseni...) og þar á eftir, Californía :o)

Meira seinna

Gleðilegt árið öll sömul, og takk fyrir það gamla!

2008-12-17T02:57:00.003+01:00

æhh, hvad ég er ekki ad fíla fólkid sem ég er ad vinna med i nótt. Á teim 3,5 tíma sem ég er búin ad vera á vakt, hef ég svarad ØLLUM bjøllunum, og svo tegar blessadur vinnufelaginn skrapp ut i smókpásu, rétti hún mér lista af skemum sem turfti ad reikna ut ur. S.s. medan hún fór í pásu, tá mátti ég gera svo vel og klára hennar vinnu. Ekki neitt med ad eg kannski fengi lika pásu, svona medan hún var ad stelast i smók!

En ekki ad ég sé ad kvarta mikid. Fínt ad hafa eitthvad ad gera, svona til ad halda sér vakandi. Meira svona skiptingin og vidhorfid sem fer i taugarnar á mér ;o)
En á hinn bóginn, tá er ég ad blogga kl. 3 ad nóttu til = ekki svo mikid ad gera lengur, og svo er ég ad fljúga heim eftir akkúrat 10 tíma og 16 mínútur :oD :oD

2 dagar...

2008-12-15T14:02:00.005+01:00

jæja, tveir dagar i heimkomu.

Hélt samkvæmt hefð jólaglögg á föstudaginn og bauð nánustu Íslendingunum hérna í kringum mig. Smá jólaspark í rassinn, því það verður að viðurkennast að það er fátt jólalegt við gráa Kaupmannahöfn, sérstaklega þar sem skrautið er búið að hanga síðan á fornöld, og sjaldnast kveikt á því (hvað er það btw?)

Allar jólagjafirnar komnar í hús, kláraði að pakka á LAUGARDAGINN!!! og búin að þrífa allt AFTUR. Búin að horfa á fleiri DVD en í allan vetur, og gera alveg fullt annað sem maður gerir bara þegar maður hefur ekkert að gera! Veit ekkert hvað ég get fundið nýtt að gera hérna þessa síðustu daga, ;o)

Tímamót!

2008-12-06T11:13:00.003+01:00

Í gær var síðasti dagurinn í klínikinni.
Svoldið skrítið að vita að maður á ekki eftir að koma þarna aftur, (alla vega ekki næsta tvö og hálfa árið) en ótrúlega gott að vita að nú má stilla vekjarann á eitthvað annað en 5:30 :o)

Svona erum við Guðný sætar í læknasloppunum okkar !

Ég ákvað samt að hafa síðasta daginn stuttann og dreif mig heim til að skella mér til Finnlands. (það var eiginlega ekki ég sem ákvað að hafa daginn stuttann sem sagt, það voru skátarnir sem ákváðu það fyrir mig ;o) Eyddi svo 2 tímum í Riga, svona bara til að hafa eitthvað að gera. Er nú búin að vera í allt ca 10 tíma í Riga, en hef aldrei komið út fyrir flugvöllinn... Er samt voða þakklát fyrir hvað flugvöllurinn er þægilegur til að bíða í.

Jamm, það eru undarlegir hlutir sem maður er farin að vera þakklátur fyrir!!!

11 dagar þangað til ég kem heim :o)

2008-11-26T23:23:00.002+01:00

ég svaf yfir mig í dag. Í lestinni. Vaknaði 2 mínutum eftir að ég átti að stíga út, og endaði á því að fara til Lundby. Sá pínu meira af Danmörku, en því miður bara það sem sést út um lestargluggana. Ásamt auðvitað lestarstöðinni í Lundby, sem er kannski ekkert mest spennandi staður í heimi samt. Get ekki beðið eftir því að þetta verði búið! 9 dagar eftir...

two things...

2008-11-22T16:15:00.004+01:00

Eitt: Minniði mig á að ég ætla ekki að velja mér sérgrein þar sem ég kem til með að þurfa að vinna mikið með dementu fólki. No offence, en það á ekki við mig að geta ekki rökrætt við fólk, og að mega eiga von á því að vera lamin bara svona af því bara, eða kölluð öllum ljótustu nöfnum sem finnast ;o) (þetta var sem sagt skemmtileg vakt í nótt...)

Tvö: Hvað er það að vera að senda manni skilaboð á msn og facebook sem segja manni að senda þetta viðkomandi mail á ALLA sem maður þekkir, því annars verði áðurnefndu lokað?! Eru einhverjar líkur á því að fyrirtæki með milljónir notenda sem græða feitt á auglýsingum akkúrat vegna notendafjöldans, fari að loka aðal tekjulind sinni?!?!Þetta er held ég mesta snilldar spam sem ég hef á ævi minni fengið, þarft ekki einu sinni að forrita kóða, heldur bara láta spamið flakka manualt um allan vefheim! Hættið samt að senda mér þetta...

Tívolí, desember 2006. Góðir tímar. Ég sakna litlu systur. Verst að það verður engin jólaheimsókn í ár :o(

Og eitt í viðbót, svona fyrst ég er byrjuð :o) 25 dagar þangað til ég kem heim!!!

30 dagar þangað til ég kem heim!

2008-11-17T22:27:00.002+01:00

2008-11-17T17:55:00.009+01:00

Góð helgi liðin.
Ásta komst á leiðarenda og föstudagskvöldið var mjög ráðsett, bíómynd í sjónvarpinu og barnapössun svo gömlu hjúin á efri hæðinni kæmust út til að fagna síhækkandi aldri föðursins ;o)

Laugardagurinn var svo þéttskipulagður. Byrjað í kökuboði á efri hæðinni (aftur í tilefni af aldri föðursins..) og svo haldið niður í miðbæ. Fórum á "Bodies" sýninguna sem er fyrir þá sem ekki þekkja til, sýning á líkama mannsins eins og hann leggur sig, með raunverulegum módelum. Það er æðar, vöðvar, taugar, bein etc sett upp á skemmtilegan og áhugaverðan hátt. Hugsa samt að mér hefði þótt þetta meira áhugavert fyrir svona 5 árum, eða réttara sagt, meira spennandi. Hef einhvern veginn séð þetta allt saman áður ;o)

Þaðan var svo haldið í Tivoli, að kíkja á jólaljósin. Alltaf jafn fallegt, þó að ljósamagnið sé kannski ekki svo yfirþyrmandi fyrir Íslending eins og fyrir flesta aðra :þ

Um kvöldið streymdi svo að fólk í efterårsfest. Alltaf smá risky að blanda saman svona mörgum ólíkum hópum, einstaklingum og tungumálum, en þetta reddaðist allt og ég held að allir hafi skemmt sér vel. Þurfti alla vega að hálf reka síðustu gestina út upp úr 5, þegar ég nennti ekki meiru...

Og nú er það bara venjulegur mánudagur aftur. 17 vinnudagar eftir af klínikinni, og ég get ekki beðið eftir því að þetta verði búið. Erum alltaf að skipta um deildir núna, og það er einhvern veginn ekki jafn mikið sem 7. sem læknanemar geta gert á medicinsk eins og á skurðdeildum, þannig að það fer ótrúlegur tími í að hanga og gera ekki neitt því jafnvel þó maður gangi um og hreinlega GRÁTBIÐJI um verkefni, þá er ekki svo mikið sem við getum gert. Ekki alveg mitt uppáhald, og eins og einn "rul"-félagi minn orðaði það "þetta er eins og vera fyrsta daginn í vinnunni í 6 vikur samfleitt!".

Farin að klifra, update síðar :o)

Ps. Nýja myndavélin mín nýttist vel í partýinu!
Pss. Hef aldrei séð það áður, en já, nú skil ég hvað fólk var að tala um þegar því fannst ég og Fanney svo líkar!

2008-11-14T09:23:00.004+01:00

Helgin gekk vel. Var vist ekki eins lítid undirbúin og mér fannst, tad var bara svo langt sídan ég undirbjó tetta. Tad passar ekki alveg inn í íslenska rytman ad klára undirbúning 6 vikum fyrir vidburd...

Fékk samt stadfest tad sem ég vissi ádur, Svíar eru mest undarlega fólk sem ég hef á ævi minni hitt, og eiga ekkert sameiginlegt med restinni af Nordurlandabúum. Og tad hefur ekkert med matinn teirra ad gera, en annars fengum vid mjøg skemmtilega útgáfu af braudtertu. Teir eru sem sagt búnir ad blanda saman íslenskri braudtertu ( eda hvadan sem tad nu kemur ... ;o) Og dønsku smørrebrød.

Annars er tad helst ad fretta ad eg missti simann minn i golfid og eydilagdi hann, og helgina eftir missti einhver annar myndavelina mina og golfid og hun er ónýt. TAnnig ad tad eru "smá" innkaup á næstunni. Verdur samt ad segjast ad blessadur siminn var nu buinn ad tola sitt, búinn ad detta ansi oft úr ýmsum hædum, og farar i smá bad á landsm´tinu, og lifdi tad allt af. En marmaragólfid var of mikid fyrri blessadan skjáinn ;o) En ef ég er allt i einu hætt af hafa samband, ja tá gæti tad verid af tví ad ég tapadi øllum símanúmerunum!

Um helgina - seinna i dag s.s. - kemur Ásta vinkona svo i heimsókn, og verdur bærinn máladur raudur. Vid getum samt sleppt VAlhøll tví tad er búid ad mála hana :P

Góda helgi øll sømul!

2008-11-07T17:12:00.001+01:00

Úff. Er að fara að halda námskeið í Svíþjóð um helgina. Held að ég hafi aldrei verið jafn lítið undirbúin fyrir námskeið áður.

Væri eiginelga frekar til í að fagna J-degi i Kaupmannahöfn en að hoppa upp í lestina!

Jólafrí

2008-11-05T21:10:00.003+01:00

Þrátt fyrir að þessi önn sé að mörgu leyti algert helvíti (sem felst í því að setja vekjararklukkuna á 5: eitthvað...) þá er hún samt eina önninn þar sem ég fæ alvöru jólafrí :o)

Búin að panta flugmiðana, kem heim 17. des, og aftur út 6. janúar. S.s. bæði jól og áramót á Íslandi, og ekki flug út kl. 08:15 á nýársdagsmorgun ;o) Og ekkert sem þarf að lesa til prófs!!!

Æði æði æði

2008-11-03T21:50:00.000+01:00

Læknarnir á lungnadeild Næsved spítala taka alltaf stigann. Lika þó legudeildinn sé á 14 hæð!!!!

Nýir skór

2008-10-28T19:15:00.002+01:00

Ég keypti nýja skó um daginn. Eitthvað sem "sumum" finnst nú ekki í frásögur færandi, en þetta eru samt næst dýrustu skór sem ég hef á ævi minni átt, svo þetta eru nú pínu fréttir (tala nú ekki um þegar maður update-ar danska gengið!!!).

Það sem er merkilegt við þessa skó er, að þeir eru allt of litlir, ég kemst ekki í þá nema kreppa tærnar uppí hæl, engin leið að ganga í þessu meira en 25 metra og eftir hálftíma í skónum er ég búin að rífa þá af mér aftur. Og þegar ég er loksins komin úr þeim eru tærnar mínar allar rauðar og hægt að sjá far eftir alla sauma og samskeyti. Ekkert fodterapeut eða sjúkraþjálfaraval þarna sko!

Þeir eru samt fallega dúmbrauðir og svartir, geggjað flottir og ég þvílíkt ánægð með þá ;o)

næstum tví læknir...

2008-10-21T11:09:00.003+02:00

Fannst ég sko vera ordinn alvøru læknir i gær, eftir ad hafa tekid á móti sjúklingnum EIN, skodad hann, greint og skrifad skýrslu. Alein. Fékk vejlederinn til ad lesa hana yfir, fínt, kláradu bara dæmid. Lagdi sjúllann svo inn, sendi bod á skurddeildina og tók svo tátt i adgerdinni :o) Endadi svo á ad fara stuegang i morgun, svona til ad klára tetta alveg ;o) Jamm, madur er sko bara alveg ad verda búinn ;o) (eda kannski svona 2,5 ár eftir ...)

Er samt eiginlega búinn ad stroka skurdlækningar út af listanum yfir potential sérhæfingu. Ekki af tví ég sé ekki alveg ad fíla tad í botn ad gramsa i líffærum fólks, en meira af tví ad eftir hálftíma vid bordid langar mig bara til ad fara ad gráta, mér er ordid svo illt i bakinu. Annad atridi á listann yfir hluti sem ég get takkad Bretum fyrri tessa dagana.

Tarf svo bara ad sannfæra ansvarlig um ad eg geti alveg skrópad tvo sídustu dagana i verknáminu á deildinni hans, tví ég turfi ad fara til Spánar á morgun. 20 stiga hiti, mmmmmmh.

2008-10-16T10:11:00.002+02:00

hmm jájá. Nóg búid ad gerast hérna megin, to ekki nálægt tvi sem gengur á á Íslandi!

Hefdi allt eins getad sleppt tvi ad vinna i sumar, tvi peningarnir eru fastir a Islandi, og eg jafn fátæk og ef ég hefdi verid a heimsreisu en ekki i vinnu. Stend samt betur en ansi margir, tar sem eg get alltaf unnid eins mikid og eg vil. Og svo á ég nóg af pening á Íslandi, svona til ad líta á bjørtu hlidarnar !

Lifi tvi i kreppustil og for til Brussel i byrjun manadar, og Sviss adra helgina ;o)
Er lika farin ad sja ljosu punktana i tvi ad vakna kll 05:30. Tad er hreinlega eins og ad sofa ut tegar madur vaknar kl. 07:30 um helgi... Lifid er sem sagt bara frabært herna megin.

Annars er tad bara klinik og ekkert annad sem kemst ad tessa dagana. Tok tatt i adgerd i gær, og heftadi saman sjuklinginn tegar buid var ad fjarlægja tad sem atti ad fjarlægja. Frekar merkilegt ad beita heftibyssunni a manneskju, minnir ad tad hafi alls stadar verid stranglega bannad hingad til ;o)

I næstu viku er tad svo Spánn, og svo Nordurløndin, ønnur umferd, i framhaldi af tvi

Adios

Valdamesti maður í heimi?

2008-09-30T22:42:00.001+02:00

"Our enemies are innovative and resourceful, and so are we. They never stop thinking about new ways to harm our country and our people, and neither do we." George W. Bush

2008-09-28T21:20:00.002+02:00

Fyrsti pósturinn á nýju tölvuna mína :o) Hafði það loksins af að setja hana upp og tengja við internetið. Það er víst ekki mikið annað sem maður notar tölvur í þessa dagana en að vinna á netinu!

Helgin er búin að vera góð, eða eins góð og þegar maður er uppdópaður til að geta borðað, ja eða bara kyngt munnvatninu. Ákvað að spyrja lækninn sem ég fylgi út í þetta á föstudaginn, af því að ég er búin að vera með þessa þvílíku hálsbólgu síðan á mánudag, og hún virðist ekkert vera að fara að láta sig hverfa.

Jú jú, þú ert svoldið bólginn, en þú lítur vel út, og virkar alls ekki kvalin, svo þú ættir helst bara að bíða þetta af þér. Hvað sagðistu annars vera að taka af verkjalyfjum?

Sagði henni það og hún tók andköf. Sagði svo að þetta væri ca það sama og væri gefið fólki sem kæmi inn með botnlangabólgu... S.s. ekkert skrítið þótt ég liti ekki út fyrir að vera kvalin. Hún lagði til að ég sleppti því að taka verkjalyfin svo við sæjum raunverulegan styrk veikindanna og ég sleppti hádegisskammtinum. Gat 2 tímum seinna hvorki talað eða kyngt, og höfuð og eyrnaverkur að gera út af við mig. Skellti skammtinum í mig á leiðinni heim og er enn í sama pakkanum svo ég ætla að reyna að gera eitthvað róttækt í þessu á morgun.

Í dag var hið árlega kökuboð hjá Aldísi og Sigurjóni, í tilefni afmæli þeirra tveggja. Að vanda fylltist maður valkvíða við að horfa á kökuborðið, en það var leyst með því að fá sér bara vel af öllu ;o) Þarf ekkert að borða næstu vikuna, en það er ágætt, það er hvort sem er svo vont að kyngja.

Á morgun á ég svo að mæta í fyrsta skipti á fund í nýju vinnunni minni. Segi betur frá því seinna, en ég er alla vega spennt að byrja.

Búin að mastera æðaleggina, og gömlu konurnar farnar að horfa tilbijðandi á mig þegar ég segi þeim að ég sé búin, og þær vissu ekki að ég væri byrjuð ;o) Og undirskriftir fyrir skýrslur farnar að raðast í LOG bókina. Vorkenndi grey læknaritaranum sem þurfti að skrifa upp þá sem ég diktaði á föstudaginn. Ekki alveg búin að mastera hreiminn á læknahugtökunum, og hálsbólgan var ekki að gera framburðinn skýrari (eða óskýrari, það er víst það sem danskan gengur út á... )

En nú er það bara háttatími, klukkan er jú langt gengin í tíu gott fólk ;o)

Yfir og út.

Rútínulíf

2008-09-21T21:19:00.000+02:00

Við erum að tala um það, að ég fékk praktík pláss í Næstved.
Fínt pláss, góður andi og læknanemar afskaplega velkomnir. Eina vandamálið að það tekur 1,5 tíma að komast þangað og ég tek lestina kl. 06:24 á morgnana. Klukkan er stillt á 05:30, og þeir sem þekkja mig eitthvað ogguponsulítið vita að það er EKKI minn tími sólarhringsins...

Þannig að ef þú hefur ekki heyrt mig eða séð, í síma eða á msn for ages, ja, þá er það bara af því að ég er farin að sofa kl. 20 að íslenskum tíma ;o)

Verknám, Finnland, klifur og fleira

2008-09-10T15:53:00.005+02:00

Þá er maður loksins byrjaður að læra "alvöru" læknisfræði. Farin að munda hlustunarpípuna, og læknaskýrslurnar, undirskrifaðar af "Fríður Finna Sigurðardóttir", fara að hlaðast upp. Magnað alveg hreint, og ótrúlega skemmtilegt :o)

Um helgina fór ég til Finnlands, til að hitta alþjóðafulltrúa Norðurlanda. Alltaf frekar skemmtilegir fundir, þar sem að maður þekkir orðið alla í hópnum og er meiri "persóna" þar heldur en "titill". Munar ótrúlega að geta bara verið afslappaður og maður sjálfur frekar en að vera að leika hlutverk og passa framkomuna allan tímann.

Á mánudaginn mætti ég svo í fyrsta skiptið í nýja (gamla) hobbíið mitt. Ég og Þórir Már skráðum okkur í klifurhóp og héðan í frá verða mánudagskvöld helguð þessu sporti. Hef held ég aldrei haft svona mikla og dreifða strengi áður (alls staðar nema í handleggjunum, merkilegt nokk!), greinilega eitthvað í gangi sem hefur ekki verið notað lengi. En geggjað var líka gaman, og virtist vera góður andi í tímunum. Hef samt held ég aldrei séð jafn massaða konu og þá sem stjórnar æfingunum, fyrir utan nokkur steratröll á síðum blaðanna!

bestu dagar lífs míns...

2008-09-04T16:28:00.002+02:00

Jæja, þá er "fríið" búið í bili og skólinn byrjaður aftur.

Ég var ein af þeim "heppnu" sem fékk praktik pláss uppi í Næstved, en samkvæmt rejseplanen.dk tekur það 1 klt og 41 mínútu að komast þangað frá Læssöesgade. Ekki nema...! Þeir vilja samt meina að það sé lang best að vera þar, því þeir hafi langmest gaman að því að hafa nema og maður fái að gera miklu meira en annars staðar... Sjáum til með það, en ég er alla vega drulluspennt að byrja :o)

Dröslaðist svo á fætur kl. 05:30 í gær til að vera mætt á réttum tíma, komin upp í Næstved kl. 07:34 til þess að komast að því að fyrsti dagurinn fer fram í Teilum (sem er í 5 mínútu hjólafjarlægð frá áðurnefndri Læssöesgade!) Og til að toppa daginn fékk ég 600 kr (DANSKRA!!!) sekt, því klippikortið gildir víst bara út að endastöð í aðra áttina, en ekki hálfa leið í hina... (var sem sagt í góðri trú um að vera réttborgandi)

Á mánudaginn fékk ég svo sms frá Fabiolu, sem er formaður Evrópustjórnarinnar. "Finna, I need to talk to you as soon as possible!"

Úff hljómar ekki vel. Hverjum ands..... var ég að gleyma núna var það eina sem ég hugsaði, en mátti samt bíða allan daginn eftir að heyra í henni, því ég var í Noregi pt og án tölvusambands. Fór samt betur en ég óttaðist, og eiginlega var þetta bara besta tölvusímtal sem ég hef fengið lengi, þar sem skilaboðin voru að alla vega fresta, og líklega fella niður eina utanlandsferðina og margar fleiri í framhaldinu... Alla vega auka frí helgi í september, hvernig sem allt annað fer :o)

Á morgun er það svo Finnland, samráðsnefnd Norðurlanda að hittast. Þar með verð ég búin að heimsækja öll norðurlöndin á 2 vikum, (alla vega þessi sjálfstæðu), þar af 3 á 5 dögum!

tar kom ad tvi...

2008-08-27T03:16:00.002+02:00

Ja, tad er svoldid lidid fra sidustu færslu, og nog buid ad vera um vera!

Kom heim fra Sudur Afriku til Danmerkur, og hafdi ca 2 solarhringa til ad tvo tvott og pakka. Helt eg. Fattadi kl 11:10 ad eg atti flug i "dag" en ekki a morgun. FLugid var kl. 13:00...

A einhvern otrulegan hatt nadi eg ad pakka og koma mer ut a vøll i tima, med godri hjalp fra nagronnunum og bilnum teirra ;o) Hafdi ekki gleymt neinu, en kannski tekid fullmikid af alls konar doti med mer sem eg turfti ekkert a ad halda...

Tegar eg var buin ad vera heima i viku hafdi eg sed pabba i 5 min (vakandi). Svo sem ekkert merkilegt vid tad, nema af tvi ad eg bjo i somu ibud, alla vega svona ad nafninu til. Mest allan solarhringinn var eg bara uppi a bandalagsskrifstofu, eda ad snuast i kringum tessa utlendinga sem voru komnir til landsins a hverjum timapunkti, i godum felagsskap allra hinna sem logdu nott vid dag til ad undirbua motid.

Svo kom loksins landsmotid, og tad voru einhver tusund anægdra Islendinga og øutlendinga sem attu viku a Akureyri. Tvilika blidan, og allt ad ganga upp. Tad var lika ekkert leidinlegt ad heyra i utlendingunum bædi a medan motinu stod, og eftir. Allir alveg i skyjunum, og allar sogur um Island afsannadar. Alla vega tessar med leidinlega vedrid, og haa verdid ;o) Ja, tad eru einhverjir sem gatu gladst yfir genginu a islensku kronunni... (to eg se absolut ekki teirra a medal!)

Eftir ad tad var buid ad koma ollum utlendingunum ur landi tok vid pappirsvinna, sem er alveg ad ljuka nuna. Tok sidasta hlutann med heim til Danmerkur, en atti sma fri sem eg notadi til ad fara a krokinn og heilsa upp a allt folkid tar.

NU er eg svo bara komin aftur til DK. Tek næturvaktir a fullu, tvi launin min fra BiS hafa lækkad um 40% sidan eg byrjadi ad vinna i Des (Alla vega tegar tau eru komin til DK) tannig ad tau eru bara geymd heima a Islandi, alla vega i bili. Jafnframt er stanslaus gestagangur og ad sjalfsogdu nokkrar ferdir a næstunni.

MEst spennandi er samt ad eftir akkurat viku byrja eg i klinik, teas, fyrstu alvoru klinikinni minni tar sem eg a ad gera en ekki bara horfa :o) Eini gallinn ad tad tekur klt. og 40 min ad komast tangad...

Kominn tími á update?

2008-07-10T02:59:00.003+02:00

Staðsetning: Suður Afríka
Why? Alheimsráðstefna WAGGGS (alheimssamtök kvenskáta, sem ég sit í Evrópustjórn fyrir)
Hvað:
-KALT! Hverjum hefði dottið það í hug??!?!? Var reyndar búin að sjá að hitinn yrði á milli 5 og 16 gráður, og pakkaði í samræmi við það, en þó ég teljist yfirleitt engin kuldaskræfa á Íslandi, að þá er þetta mun verra heldur en tilsvarandi heima!
-Vinna. Vá mun meiri en ég hafði ímyndað mér. Maximum náð 5 tímum á nóttu undanfarna 1,5 viku, oftast minna. Kláraði samt stærsta og mikilvægasta verkefnið mitt í dag, svo restin verður slökun. Ætla líka að leyfa mér að sofa út í fyrramálið...
Hvernig:
-Well, svipað og Evrópuráðstefnan, bara fleiri litir á fólki, og fleiri konur. (og færri karlar þó þeir séu nú fleiri en ég átti von á...;o)
-Ekki alveg búin að fatta hvað er svona miklu meira sérstakt við þetta en blönduðu, er líklega bara of mikil sagno í hjarta mínu. (það eru sumar samstarfskonur mínar sem hafa talað um þennan viðburð með bjarma í augunum í áraraðir. Ekkert að neita því að þetta er gaman, sé bara ekki þennan stóra mun þar sem mér finnst hitt hafa alveg jafn mikil áhrif)
Hvað svo?
-Heim á landsmót, með stuttu stoppi í DK til að þvo þvott og skipta um í töskunni...

hæ hó og jíbbí jeij...

2008-06-18T01:04:00.003+02:00

Til hamingju með daginn öll sömul (þó það sé nú kominn 18. hjá mér núna).

Dagur var nú ekki mjög hátíðlegur, allt við það sama hjá mér, bara nýir sjúkdómar. Má kannski teljast gott að vera laus við helvítis pöddurnar samt og ákveðin hátíð í því ;o) Við gerðumst mjög þjóðleg og borðuðum grjónagraut/mjólkurgraut með lifrarpylsu í kvöldmat, mmmhmmmm hvað það var gott! Áttaði mig s.s. á því þegar ég barðist við að koma 9 kílóum að ýsu niður í frysti í frekar þunnu ástandi um síðustu helgi, að það væri kannski kominn tími til að hætta að panta lifrarpylsu að heiman, og byrja að borða hana... Það fundust s.s. nokkrir keppir vel faldir undir hinu og þessu misgirnilegu í tiltektinni ;o)

extra til hamingju með daginn til allra afmælisbarnanna. Jón Grétar og Einar fá sérstakt afmælisknús fyrir árin 30 :o)

Af flugbókunum og próflestri

2008-06-15T15:29:00.004+02:00

Þá er ég loksins búin að bóka flug til Suður Afríku.

Búin að reyna á hverjum degi í tæpa viku núna, án árangurs.
Fyrst var það nú að finna flug sem ekki kostar lungu og lifur, og helst þannig að Hulda væri í sama flugi (eða ég í saman flugi og hún...) Það tókst nú án mikilla erfiðleika (þó þetta með lungu og lifur sé greinilega afstætt) en þá tók við að reyna að borga.

Hef notað visakortið mitt svo oft að ég kann allt utan að á því, en fékk upp villumeldinguna að það væri vitlaust security code. Og ég mætti ekki prófa aftur fyrr en seinna af öryggisástæðum. Prófaði aftur daginn eftir, og passaði mig MJÖG VEL að slá inn réttar tölur. "We're sorry, this is incorrect security code". Ákvað nú að hringja í VISA til að tékka á þessu, og komst að því að þetta VAR vitlaus security code! Ástæðan liggur í því að ég er búin að fá nýtt kort, bara ekki í hendurnar. Vissi það og breytti ártalinu um 2 eins og venjulega þegar það er gert, en í þetta skipti höfðu þeir líka breytt security code. Líklega bara á mínu korti, og enginn veit af hverju.
Komst síðar að því að þeir eru líka farnir að gefa út kort á 3 ára fresti en ekki tveggja, svo það var líka vitlaust.

Var samt í millitíðinni búin að finna alls konar aðrar tengingar, og meira segja ódýrari. Ákvað að bóka það, rosa ánægð með þennan sparnað fyrir Bandalagið. Nei, þá var þetta nú víst bara auglýsingabrella, og engin leið að bóka þessi flug sem um ræddi.

Endaði loks í dag á því að bóka upprunalega flugið, ekki nema 2000 íslenskum krónum dýrara en upphaflega sem má teljast gott eftir viku töf, og í flugi með Huldu. En starfsfólkið hjá VISA fer að þekkja í mér röddina, þvi ég er búin að hringja svo oft. (og vá hvað ég er fegin íslenska heimasímanum mínum núna ;o)

Annars er Sigyn í heimsókn núna, ekki hjá mér heldur Ingunni vinkonu sinni, og eru held ég bara allir glaðir með það. Ingunn af því að hún fær að hafa vinkonu sína hjá sér, Sigyn af því að hún getur gert það sem henni sýnist án þess að stora systir sé að skipta sér af, og ég af því þá get ég lesið meira um bakteríur og sníkjudýr. Verð samt að viðurkenna að það er blandin ánægja, og ég væri nú eiginlega frekar til í félagsskap Sigynjar en t.d. Treponema Pallidum (sem veldur syfilis, fyrir ykkur ignorant fólk sem vitið það ekki :þ) Ég fæ hana samt í smá skömmtum inn á milli (Sigyn þeas), og ætlum við að eiga smá kvöldstund í kvöld.

Stefán fær annað slagið áhugaverða fróðleiksmola um hina og þessa sjúkdóma og sníkjudýr. Einn góður er t.d. að í Evrópu getur Diphyllobothrium Latum (Fiskiormum) orðið allt að 10 metra langur, þar sem hann lifir í þörmunum þínum, en í bandaríkjunum verður þessi sami ormum allt að 45 metrar!!!! Gat nú verið að meira segja sníkjudýrin þeirra væru í yfirstærð!

Læt þetta nægja úr próflestrarlífinu. Vona innilega að ykkar sé aðeins skemmtilegra en mitt!

P.s. Mín mesta ánægjustund síðustu viku var þegar byrjaði að rigna. Gerði það aðeins bærilegra að sitja inni, þrátt fyrir að þetta sé kannski ekki nógu félagslega meðvitað ;o)

og sólin skín...

2008-06-05T21:21:00.002+02:00

það er held ég bara það besta sem ég veit að vera í próflestri í júní. Tala nú ekki um þegar hitinn fer upp fyrir 25 gráður á HVERJUM EINASTA DEGI, og allir "að worka tanið" í kringum mann!

Ég hins vegar, dreg niður gardínurnar (til að halda hitanum úti) teipa á mér sára puttana, og held áfram að læra.

Sjáumst í júlí!

Laugardagur 31. maí, síðasta ferðin í bili

2008-06-01T20:30:00.003+02:00

kl. er 06:30 og ég er komin í gegnum security check á Kastrup. Full tímanlega af því að flugið er fyrst 07:20, en það er fínt, ég næ þá að kaupa eitthvað pínu til að bæta við morgunmatinn sem var af skornum skammti.

Vá hvað maðurinn þarna er í eiturgrænum stuttbuxum. Eiginlega lítur hann meira út fyrir að vera einhver sem maður hittir á bekk á hovedbanegården en á flugvelli.

kl. orðin 06:50 og ég komin að hliðinu. Auðcitað er ekki byrjað að hleypa inn svo ég sest bara og bíð eftir hinum tveimur sem eru að fara með mér í flug. Marie IC WAGGGS og Claus IC WOSM.

Klukkan er nú orðin 7, og ég er komin í sætið mitt. Gluggasæti, þá get ég sofið í friði, án þess að einhverjir séu að klöngrast yfir mig í fluginu. Er ekki maðurinn í grænu stuttbuxunum kominn í sætið við hliðina á mér og heilsar.

Held áfram að lesa blaðið eftir að hafa heilsað honum. Legg það í sætið á milli okkar þegar ég er búin með það og segi honum að hann megi alveg lesa það ef hann hafi áhuga. Fer svo að sofa.

Er nýsofnuð þegar það er potað fast í öxlina á mér. "Heyrðu, þær eru að koma með söluvagninn". Já takk. Ég ætla ekkert að fá mér. Takk samt.

5 mínútum seinna: Aftur potað í öxlina á mér og sagt: "Þær eru komnar með vagninn". Takk, ég er búin að borða. Held áfram að reyna að sofa

1 mínútu seinna: Meira pot: "Áttu pening?" Uuuu, Nei! Bara kort. (Og þó svo væri..?)

Flugvélin að koma inn til lendingar: Enn er potað. "Við erum alveg að vera komin". Já takk. Held áfram að þykjast sofa.

Flugvélin lent, og að keyra að hliðinu: Aftur er potað: "Við erum lent". Jamm...

Flugvélin komin að hliðinu, og fólk byrjað að standa á fætur: Getiði hvað, það er potað í öxlina á mér "VIð erum komin, viltu ekki fara að taka þig til?" uuuu, nei, ég ætla að bíða þangað til röðin er farin af stað.

Var eiginlega farin að óttast að maðurinn yrði líka við hliðina á mér á leiðinni heim, og að ég yrði komin með varanlega holu í axlarvöðvana...

Komst samt heil heim, fékk að sofa á þeirri leið, og nú er það bara próflestur. Próflestur. Próflestur. Alveg það skemmtilegasta sem maður gerir í 26 stiga hita, en hvað er það nú í 3 vikur... ;o)

Sölumenn og konur

2008-05-28T15:13:00.002+02:00

Var að rifja það upp að þegar ég var yngri þá vorum við vinkonurnar alltaf á endalausum kynningum. Oftast snyrtivörukynningar en líka tuskukynningar (þá meina ég fatakynningar), og svo breyttist þetta í plastkynningar þegar maður varð aðeins eldri, eða þær bættust alla vega við :þ
Var viðstödd eina ryksugukynningu en náði nú aldrei að fara á alvöru tuskukynningu, aðallega af því að ég var flutt úr landi þegar Jóhanna frænka byrjaði að selja tuskur...

Hérna í Danmörku er þetta aðeins öðruvísi, eða þá að ég hef bara ekki dottið inn í radíus einhverrar snyrtivöru/tusku/plastkonunnar. En í öllu falli, þá kemur í hverjum mánuði bæklingur inn um lúguna, með öllum þessum vörum sem voru kynntar heima. Á líka þessum kostakjörunum, og allt á kynningartilboðum þegar maður pantar í fyrsta skipti :o) Alveg týpískt fyrir Fríði að falla í svona gryfjur hugsa einhverjir núna, og ég er reyndar búin að "kaupa" alveg fullt upp úr þessum bæklingum. Nærföt, vítamín, bækur...
Og hef aldrei gleymt að afpanta! Var samt að fá kassa með fullt af vörum sem ég pantaði upp úr einum bæklingnum, og það var alveg eins og að vera orðin 16 ára aftur!

það sem á daga manns drífur

2008-05-18T18:19:00.003+02:00

Á mánudaginn fór ég á vakt.
Á leiðinni niður í lyftunni eftir vaktina truflaði mig maður við að senda sms, með orðunum: "undskyld, men må jeg forstyrre". Ég svaraði manninum sem virkaði nett áhyggjufullur að já, það mætti hann nú alveg. Spurningin sem hann hafði var:

"Hvernig veit maður að maður er óléttur?"

Ég útskýrði fyrir manninum að best væri að kaupa sér óléttupróf í t.d. apóteki, eða bara í Nettó þar sem þau standa í stórum bunkum við kassann. Eða kannski að tala við lækninn sinn.

Hann vildi ekki tala við lækninn, því hann vildi komast að því, án þess að læknirinn vissi. Veit ekki enn af hverju það var, en hann var alla vega orðinn nokkuð viss á því hvernig ætti að nota óléttupróf eftir þetta samtal við mig, enda fórum við marga hringi í því hvernig maður kemst að því að maður sé óléttur.

Seinna sama dag var ég á leið út úr Panum, (skólanum minum) tannlæknamegin. Klukkan varð greinilega 17:00 meðan ég var í hringhurðinni, því hún hætti að hreyfast og læstist. Og ég sat föst í glerbúri. Frekar fyndin upplifun :o)

Sumarið er komið!

2008-05-13T21:35:00.004+02:00

Það er búið að vera svo steikjandi hiti hérna um helgina, að það er hvergi líft. Ekki inni og ekki úti. Ekki í skugga og ekki í sól!

Komst að því á laugardaginn að ég átti ekki sólarvörn, en nennti ekki út í búð fyrr en ég færi í Parken um 3 leytið. Sat úti í sólinni og las, en hegndist fyrir það og fór ekki út úr húsi næstu daga, fyrr en ég neyddist til þess í dag að mæta í skólann ;o)
Sólarvörnin var samt keypt, og þokkalega af þekjandi gerðinni...

Hitti Nínu og Sophie ásamt einhverjum fleirum í Parken þar sem ætlunin var að lesa svoldið meira, en varð nú eiginlega bara að hygge... (surprise surprise!) Í staðinn var samt sunnufrídagurinn nýttur í lestur svo það var bara smá tilflutningur á lestri en ekki útfelling ;o)

Í dag mætti ég svo í fyrstu Virologi-æfinguna. Kippti þar eins og einu stykki lifandi hænuunga út úr eggi, klippti af honum hausinn og setti í mixara. Allt í þágu læknavísindanna, ég veit bara ekki ennþá hvernig.

jájájá

2008-05-08T19:12:00.010+02:00

Sumarið er komið fyrir alvöru í Kaupmannahöfn, og sumarfötin komin fram úr skápnum. Enda eru svartar buxur og ullarjakki ekki beint þægilegur klæðnaður í 23 stiga hita :o) En vetrarliturinn er aðeins farinn að láta undan síga, og komnar rendur eftir mismunandi útgáfur af bolum á axlirnar ...

Það er samt ekki eins heitt hérna eins og var í Portúgal, en maður naut víst lítils góðs af því, þar sem fundarhaldið fór að mestu fram innandyra. Tækifærin voru nú samt nýtt þegar gafst og setið úti, en það voru greinilega ekki Íslendingar þarna á ferð, eins og sést á myndinni...

Á leiðinni heim stoppaði ég svo í Amsterdam, eða öllu heldur Leiden, hjá Jóni Ingvari og ÁLfheiði. Fékk þar crash course útgáfuna af skoðunarferð um Leidein, en ég er nú svo fljót að læra að það var allt í lagi ;o)

Á laugardaginn rann svo upp afmælið mitt, og Pólverjar héldu hann hátíðlegan að vanda. Ég var aðeins hóflegri í veisluhöldunum en þeir og hélt bara lítið boð, en dansinn dunaði nú fram undir morgun og síðustu gestir yfirgáfu placið upp úr 6, svo ég held að allir hafi skemmt sér vel Upptakarinn frá henni Siggu frænku varð hins vegar uppspretta mikilla umræðna og vangaveltna...
Gestirnir voru svo af ýmsum þjóðernum og báru ferðagleði afmælisbarnsins góð merki (ekki að það sé hægt að tala um barn lengur, úff hvað maður eldist!!!)
Tveir gestanna (sem NB höfðu aldrei hist áður...) ákváðu eftir kvöldið að skella sér saman til Kóreu í sumar, og aðrir fundu sér félaga í fótboltaglápið. Og ég fékk fullt af fínum gjöfum svo allir sáttir bara ;o)

Á mánudeginum var svo lokaskil á BS. Magnað eftir allan þennan tíma, og ansi gott að VERÐA bara að hætta. Held að maður hefði getað haldið áfram út í það óendanlega að laga, bæta og breyta, en nú er bara búið að loka fyrir það, allar greinar og annað sem tengdist þessu komið ofan í box, og komið að næstu verkefnum. Eins og kannski námsefni annarinnar :o/
En annars árs bekkurinn minn (af því að innan við helmingur af fyrsta árs bekknum mínum gat haldið áfram upp á annað ár var okkur deilt niður á fullt af öðrum bekkjum á 2 ári) ákvað samt að hittast í "park" og grilla og hygge saman svona til að fagna þessum tímamótum. Þetta er alveg ótrúlega danskt, en líka ótrúlega "huggulegt" :o)

Nú er svo bara ein utanlandsferð eftir (já ég veit að ég sagði ég væri búin með allar ferðir, en þessi bættist við samt sem áður) en hún er líka bara dagsferð til Stokkhólm, svo það telst varla með. Og ég get farið að lesa það sem ég á að vera að lesa, um bakteríur og vírusa, ásamt gigtar- og efnaskiptasjúkdómum, í þeirri von að ná upp öllum hinum...

Takk svo bara fyrir allar afmæliskveðjurnar, ég hafði ekki undan við að svara þeim, svo ég geri það bara hérna :o)

Gleðilegt sumar!

2008-04-24T19:25:00.002+02:00

Jamm, það er víst sumardagurinn fyrsti í dag! Hafði nú ekki áttað mig á því fyrr en mamma hringdi til að óska mér gleðilegs dags. Liggur við að ég hafi fundið til söknuðar að hafa ekki farið í skrúðgöngu, en sá söknuður hvarf skjótt þegar ég hætti mér út úr húsi og fékk frostbit (eða alla vega svona næstum því ;o) á puttana, þrátt fyrir sólskinið og örugglega mun fleiri gráður en heima á Íslandi!

Petri(agar)skálarnar voru spennandi, og ef þið voruð ekki meðvituð um það áður, þá er spritt langbesta leiðin til að tryggja sýklalausar hendur. En svona undir flestum kringumstæðum er hvort sem er ekki mikið annað en stafylokokkus epidermis þar að finna, og eins og ég hef alltaf sagt: Það sem ekki drepur þig, herðir þig! (Mæli samt eindregið með handþvotti eftir klósettferðir! ;o)

Ég skilaði inn fyrsta uppkasti af BS ritgerðinni minni í dag. Verður fróðlegt að sjá hvaða comment ég fæ til baka og hversu miklu ég þarf að breyta. Á samt enn eftir að skrifa niðurstöður, og lagfæra inngang og eitthvað fleira, en samt rosalega góð tilfinning að vera komin hingað ;o)

Yfir og út, og ég vona að þið njótið öll sumarsins á Íslandi :o)

P.s. Um helgina er ég að fara til Parísar, Lissabon og Amsterdam. Í Amsterdam ætlar Jón Ingvar að taka á móti mér með þéttri dagskrá og ég er farin að hlakka til :D

fólk hefur bara ekki undan við að lesa bloggið!

2008-04-21T21:49:00.005+02:00

Það er ekki eins og það sé ekki nóg að gerast, bara eitthvað minna um að það komist á "blað" þessa dagana.

Kom aftur frá Armeníu og það tók ekki nema 13 tíma frá því að ég lagði af stað út á flugvöll og þangað til ég var komin heim. Ég elska flugvelli! Segi samt betur frá þeirri ferð seinna.

Er síðan þá bara búin að böðlast í þessu blessaða Bs verkefni, sem ég verð að viðurkenna að hefur sífellt minnkandi áhugagildi, fara á tónleika í tívolí með Helga Hrafni og Unni (og svo einhverjum nánast óþekktum listamanni sem heitir Teitur),fara á Kökkenvandring með Naju vinkonu,
borða með Valhúsabrautarfjölskyldunni, og svo í bráðskemmtilega microbiologitilraun í dag.

Fólst í því að þvo á sér hendurnar og stinga svo puttunum í agarskálar (svona skálar til að rækta sýkla ;o) Það er að segja, einar 11 mismunandi útgáfur af handþvotti og mismunandi stigum í handþvottinum, blautar, þurrar, sápa, handspritt etc. Og þar fyrir utan, tilraun þar sem við settum puttana í E-coli skán, í gegnum mismunandi klósettpappír. (s.s. eitthvað í áttina að því að skeina sig, fyrir þá sem ekki átta sig á samhenginu ;o) Ákvað að borða ekki puttamat í kvöldmat, en afraksturinn af öllu káfinu kemur samt fyrst í ljós á morgun þegar við kíkjum aftur á skálarnar okkar ;o)

Segi ykkur frá niðurstöðunum seinna.

Farin í skriftirnar!

F.

svona ef einhver var að velta því fyrir sér...

2008-04-09T12:55:00.002+02:00

.. þá er ég enn á lífi ;o)

Farin til Armeníu!

Og tíminn flýgur áfram!

2008-03-27T08:59:00.003+01:00

Það er alveg magnað hvað tíminn flýgur frá manni!
Mamma og pabbi komu aftur frá Madríd og við áttum saman nokkra æðislega daga, fyllta með áti og þægindalífi. Of þægilegu eiginlega. Og of mikið át.
Elduðum önd í páskamatinn og ég var svoldið búin að velta þvi fyrir mér hversu mikil aðgerð það yrði að hreinsa út úr henni. (það stóð sko utan á umbúðunum að maður ætti að byrja á því). Hélt reyndar að maður fengi alltaf fjerkræ hreinsað, en jæja. Kom svo í ljós að það sem maður þurfti að "hreinsa" út, var plastpoki með helstu líffærum ;o)
Ekki svo mikið mál þegar allt kom til alls.
Gunnar og Ásdís komu svo frá Malmö, þannig að þarna var hálf fjölskyldan sameinuð.

Restin sat heima á Krók, þar sem afi ansi hróðugur tróð systur mínar grænmetisæturnar út af kjöti ;o) Það er ómögulegt að segja nei við manninn, viti þeir sem reyna!

Við opnuðum líka PÁSKAEGGIN, og allir fengu málshátt. Man reyndar ekki alla, en minn var alla vega "Fiskur tekur beitu en öngull fisk". Veit ekki alveg hvar ég er í þessari röð, en næ vonandi að túlka það síðar ;o)

Í gær fór ég svo og hitti vejlederinn minn í bs-verkefninu. Hálf skjálfandi á beinunum því ég var hætt að reyna að átta mig á þessu kerfi þeirra dana (eða læknadeildarinnar) og gerði þetta bara eftir mínum haus.

Og það virkaði bara svona ljómandi vel því að vejlederinn átti ekki til orð yfir þessari frábæru forvinnu minni, og hversu systematiskt ég vinn og skipulega, og endaði á því að bjóða mér að koma og taka þátt í rannsóknum á stofnuninni hennar, svona þegar ég er búin með þetta verkefni :o) Ekki slæmt, þó ég viti ekkert hvort ég hafi tíma þegar þar að kemur. Væri samt gaman að fá nafnið sitt á eins og nokkrar vísindagreinar.... ;o)

Í dag mátti ég svo skríða fram úr hlýju rúminu mínu ekki seinna en kl. 4 til að ná í flugvél til Amsterdam. Þetta var bara eins og að vera á Íslandi að fara til útlanda, nema að þetta er svo snemma að almenningssamgöngur eru ekki farnar að ganga, og næturstrætó bara á kl.t. fresti!

En það sem er kannski merkilegast við þetta er samt, að ég er að fara til LONDON, en ekki Amsterdam! Meikar sens ha?

Góða helgi alla vegana, og það væri nú gaman að sjá hvaða málshætti þið fenguð, í kommentunum ;o)

Yfir og út

Fríður Finna

P.s.

Mér er samt farið að líða mun betur eftir að ég setti þennan teljara á síðuna, nú veit ég alla vega að það er einhver sem les þetta þó þess sjáist lítil merki í kommentunum ;o)

Lambakjöt

2008-03-21T15:30:00.003+01:00

Jamm, búið að vera nóg af lambakjöti í boði þessa vikuna :o)

Á miðvikudag eldaði ég lambalæri sem ég átti í frysti og bauð læknagellunum. Læknagellurnar sem voru 5 talsins að mér meðtalinni haustið 2005, hafa margfaldað sig, og þrátt fyrir að ekki allir sem í raun ættu heima í hópnum hefðu komist, þá vorum við ellefu að borða. Þó að íslensku sauðirnir séu nú fullvaxta, að þá dugði eitt lambalæri skammt í þennan hóp svo það var líka boðið upp á nýsjálenskt. Gaman að geta borið svona saman, tvennt besta lambakjöt í heiminum ;o) En þetta var alla vega hin ágætasta kvöldstund og eins og alltaf rætt um að við yrðum að gera þetta oftar ;o)

Í gær var svo komið að Guðný og Einari að bjóða í læri ;o) Takk fyrir boðið, þetta var algert æði!

Í kvöld ætla svo Líney og Þórir Már að vera með smá "Páskahygge". Þar verður ekki lambalæri á boðstólunum (sem betur fer kannski ;o) en mér heyrist að það verði nóg af fólki!

í fáum orðum

2008-03-17T23:00:00.004+01:00

Föstudagur: Djamm með Borgný, Elvu og Jensu
Laugardagur: Mamma og pabbi komu í heimsókn. Æðislegt að hitta þau aftur, langt síðan síðast ;o) Og ekki spillti fyrir þetta líka girnilega páskaegg (eða þessi...) sem þau komu með! Fanney átti líka afmæli þennan daginn, hjartanlega til hamingju með það :o)

Sunnudagur: Mamma og pabbi fóru aftur, héldu af stað til Madrid, en við öfunduðum þau ekki neitt, það er nú 11 stiga hiti í Kaupmannahöfn.
Mánudagur: Snjókoma í Kaupmannahöfn. Eins og það er nú fallegt á Íslandi, þá er það jafn óþolandi þegar maður er að hjóla heim í Danmörku ;o) Fór á passíutónleika í Trinititetskirkju (eða hvernig sem það er nú skrifað) með Ninu vinkonu. Fyrir þá sem ekki vita hvar viðkomandi kirkja er, þá er þetta kirkjan sem hangir utan á Runde Tårn ;o)

Náði loksins að klára að undirbúa þetta námskeið sem ég á eitthvað að hafa hönd í bagga með í lok mars. Það tók gott betur en þennan 1,5 daga sem ég áætlaði, en hafðist að lokum, og til að líta á björtu hliðarnar, þá er ég búin að lesa nánast allt útgefið efni WAGGGS.

Og svo verður páskafríið nýtt til þess að skella sér á fullt í kynferðisofbeldi. Svona á milli þess sem gestunum verður sinnt, en mamma og pabbi koma aftur á laugardaginn, og Gunnar bróðir líka, svo það verður sannkallað fjölskyldureunion hérna um páskana :o)

Gleðilega páska öll sömul, svona af þvi að hjá sumum er komið páskafrí!

Uss, þetta hefur nú líka komið fyrir mig...

2008-03-12T23:33:00.003+01:00

Með beinagrind í farangrinum

2008-03-12T14:30:00.001+01:00

Ég er að fara á fund með prinsessunni.

Stundum borgar það sig að vera í skátunum ;o)

Árshátíð FÍLD 2008

2008-03-11T21:03:00.010+01:00

Well well well
mér skilst að suma langi til að heyra hvað varð um þessi 11500 dkk virði af áfengi ;o)

FÍLD = Félag Íslenskra Læknanema Danmörku, heldur árshátíð einu sinni á ári, og í þetta skiptið var komið að Kaupmannahafnargenginu að sjá um herlegheitin. Í eitt skipti bauð ég mig ekki fram í nefnd, en endaði einhvern veginn samt í henni...

Og þetta var svakaleg vinna, þar sem við þurftum að sjá um allt frá A-Ö, (nema reyndar elda matinn, hann pöntuðum við ;o) skreyta salinn, dekka borð, skreyta önnur rými en matsalinn, setja upp bar (sem skýrir áfengismagnið...) velja tónlistina, osfrv. Sem var nú reyndar bara gaman, það eina sem var minna gaman var að þrífa eftir þetta allt saman ;o)

Prógrammið byrjaði strax um 3 leytið, þar sem 2 læknar frá Íslandi, Ólafur og Engilbert, komu til að kynna möguleikana og fyrirkomulag á því að taka kandídatsár heima. Eftir það var opið hús á Læssöesgade heima hjá mér s.s.) með "hressingu", þar sem það komu svo margir "utan af landi" og ekki bara hægt að henda þeim út á götu fram að árshátíð ;o)

Hálf átta opnaði svo húsið, en árshátíðin var haldin á NOKO (Nordisk Kollegium). Og það var hreint út sagt bara fullkominn rammi utan um þetta! Æðislegur bygging með ótrúelga flottum sölum og rýmum,bókasafni og koníaksstofu etc. Maturinn var æði, skemmtiatriðin frábær (Komin hefð á það að Kaupmannahöfn komi með nýtt lag í hverri árshátíð) kaffi og baileys með eftirréttinum, og svo diskó og ódýr bar á eftir ;o)

Kl. 11 opnaði húsið fyrir öðrum en bara árshátíðargestum (reglur NOKO) en það var bara enn skemmtilegra, þar sem það var hægt að smala öllum vinum og vandamönnum á djammið ;o) Undarlegt nokk birtust svo 3 krækingar þarna, hver úr sinni áttinni með sitthvora tenginguna, ja eða bara enga tengingu, við læknanemana.
Hentum svo síðasta fólkinu út upp úr 6, en þá tóku við þrif í tæpa 3 tíma ;p

Æðislegt kvöld, en svakalega hlakka ég til að vera bara árshátíðargestur í Århus á næsta ári :o)

Áfengiskaup

2008-03-07T16:05:00.001+01:00

Í gær keypti ég áfengi fyrir 11500 krónur danskar. Í heildsölu!

Sögur af flugdólgum og öðru fólki

2008-03-03T16:31:00.003+01:00

Fór til Brussel um helgina. Svo sem ekki í frásögur færandi, enn einn fundurinn á vegum Evrópustjórnarinnar, í þetta skiptið til að undirbúa ráðstefnu sem við erum að halda í Lissabon í lok apríl.

Bókaði flug með Sterling, var það langódýrasta sem ég fann, þrátt fyrir að tímasetningarnar hefðu getað verið skemmtilegri, sérstaklega á heimleiðinni.

Fór svo beint eftir skóla (hvar ég btw hafði sólundað dýrmætum 2,5 tíma af lífi mínu á OSVAL Workshop, eitthvað sem ég mæli ekki með fyrir nokkurn mann!!!) út á flugvöll og stóð þar í mismunandi biðröðum í 1,5 tíma. Eins gott að ég var tímanlega út á völl, því að Sterling vill ekki leifa mér að tékka mig inn sjálf af því að ég heiti Sigurðardóttir í alvörunni en Sigur/ardottir hjá þeim. Hafði það samt af að lokum að tékka mig inn og dreif mig svo og keypti kvöldmatinn minn, dýrindis túnfisksalat frá "ToGo". Og svo bara beint út í vél. Vildi reyndar svo skemmtilega til að það var hálftíma seinkun en þá fékk ég að sitja og bíða en ekki standa og bíða svo það var allt í lagi.

Jæja, off we go, og það er ekki fyrr búið að slökkva sætisbeltaljosið fyrr en ég gríp salatið mitt og byrja að borða. Enda orðin sársvöng eftir allar biðstöðurnar ;o) Fljótlega byrja svo flugfreyjurnar að tilkynna í kallkerfinu hvað maður geti nú keypt hjá þeim af dýrindis samlokum, og klikkja svo út með að segja: "Það er ekki leyfilegt að borða eigin mat í vélinni"!!!! Og ég byrjuð að borða, búin að opna umbúðirnar og ekki nokkur leið að loka þessum umbúðum og setja frá sér án þess að það fari allt út um allt.

Lítið annað í stöðunni en að klára salatið, en ég fékk mjög ákveðnar ábendingar um það að "næst þegar ég flygi með Sterling, að þá ætti ég að muna að það mætti ekki borða eigin mat um borð". Og slatta af illum augnaráðum.

Leið svoldið eins og ég væri 5 ára.

Og að ég hefði verið að reykja inni á klósetti.

Alla vega ekki eins og ég hefði verið að "borða eigin mat".

Á heimleiðinni var svo 2 tíma seinkun á vélinni, svo í stað þess að fara í loftið kl. 21.00, þá fór ég í loftið kl. 23:00
Verð að viðurkenna að ég grét svoldið innra með mér þegar ég horfi á eftir hverri vélinni á fætur annarri frá SAS og Brussel Airlines fara í loftið á leiðinni til Köben.

Ég ætla að sleppa Sterling næst þegar ég leita að flugi.

Frú!!

2008-02-28T20:21:00.002+01:00

hahaha, var kölluð FRÚ í dag. Eitthvað sem mér hefur alltaf fundist passa eingöngu við eldri konur, sem helst vinna ekki úti, og eru örugglega með "stúlku" til að sjá um heimilisverkin fyrir sig. Mig vantar alla vega ennþá stúlkuna...

Brussel á morgun, smá mis í skipulagningunni svo ég er í tíma til 18:00 og flug kl. 18:50. Verður gaman að þessu ;o)

Góða helgi gott fólk!

Næturvaktir og fleira skemmtilegt

2008-02-24T00:34:00.002+01:00

Jå jå. Fyrsta vaktin i LANGAN tíma, og ekkert ad gera. Hefdi eiginlega frekar verid til i ad vera heima sofandi, sérstaklega tar sem vid sitjum tvær og gerum ekki neitt, en tad verdur ánægjulegt ad fá útborgad ;o)

Leslisti annarinnar alveg ad komast á hreint. Ein bókin kostar 3790 krónur. Ekki svo slæmt, nema af tvi ad vid erum ad tala um DANSKAR krónur! Tetta gerir sem sagt ca mánadarleigu fyrir eina skruddu. Hún er reyndar i tveimur bindum, 3200 bls og 7,1 kíló, en má líka alveg vera tad fyrir verdid!!!

Er samt skemmtilegasta semestrid fram ad tessu. Nu erum vid bara ad læra um mismunandi sjúkdóma, einkenni og greiningar á teim, og medhøndlun! Tannig ad i lok annar er ég bara búin ad læra allt um sykursýki, lungnasjúkdóma og eitthvad fleira, og tilbúin til ad greina sjúklinga med tessi vandamál. Forventligt alla vega ;o)

Ein helgi á mánudi breyttist í ønnur hver helgi. Brussel um næstu helgi, og svo árshátid FÍLD helgina tar á eftir.

Heimsókn til fortíðar

2008-02-16T15:42:00.001+01:00

Jæja, er ekki best að skrifa aðeins um heimsóknina mína?

Áður en ég fór af stað hafði ég fengið nokkuð nákvæmt update um pólitísku stöðuna í landinu svo ég var nokkuð vel meðvituð við brottföt. Eins og ég sagði síðast, að þá leit allt þokkalega vel út þarna. Húsin litu ágætlega til mjög vel út, og fólk almennt vel klætt, og samkvæmt greinilegri tísku svæðisins ;o)

Og til að byrja með var þetta bara eins og að fara í hverja aðra heimsókn, fyrir utan að vegabréfaeftirlitið tók 25 mínútur (sem var nú reyndar eingöngu fyrir mig, það fóru 3-4 í gegn hinum megin á meðan mitt vegabréf var skoðað í öreindum).

En svo komu þessi skilaboð um pappírana. "Farðu og náðu í alla pappíra sem eru uppi á herberginu hjá þér, og ALDREI skilja þá við þig." Hljómar svoldið eins og úr lélegri njósnamynd, en allt í einu var þetta orðið raunveruleikinn!

Skátahreyfingin í heiminum kennir og iðkar lýðræði, og réttindi manna eru hátt á lista yfir þau málefni sem hreyfingin berst fyrir. Þessi hugtök eru á bannlista stjórnvalda í landinu. Skátarnir þar gera sitt besta til að spila eftir sívaxandi reglugerðabunka stjórnvalda, en alltaf eru að bætast nýjar reglur við, og það sem var leyfilegt í gær, er það ekki í dag. Á sama tíma vinna þær að því að bæta samfélagið, m.a. í starfi með munaðarlausum börnum o.fl.

Þar sem ég var þarna eingöngu sem "High Profile" manneskja á vegum Evrópustjórnarinnar, og þar sem helgin snérist að miklu leyti um sjálfs-endurmat þeirra (sem að sjálfsögðu fór fram á rússnesku) þá gáfust nokkrar stundir þar sem ég í raun hafði ekki neitt að gera, nema að spjalla við hina og þessa, og fylgjast með því hvað þær væru að gera. Og það hvarflaði oftar en einu sinni að mér sú hugsun hvað við höfum það ótrúlega gott, og hvað þessar konur leggja á sig!

Ég gekk í skátana sem 9 ára barn, og er þar ennþá vegna allra þeirra skemmtilegu upplifanna og ferðalaga sem ég hef átt, ásamt auðvitað vinunum sem ég hef eignast.
Ég hef tekið þátt í söfnunum fyrir hinum og þessum góðgerðarverkefnum, og ég hef reynt að innprenta þeim börnum og unglingum sem hjá mér hafa starfað, góð gildi eftir bestu getu, og að gera þau að sjálfstæðum og góðum samfélagsþegnum, í anda stefnu okkar. Ég hef líka tekið þátt í framkvæmd á mörgum stórverkefnum innan BÍS, og lagt af mörkum ótalin hundruð ef ekki þúsundir vinnustunda í þetta allt saman, en það er ca mitt framlag til samfélagsins. I sidste ende, svo ég sletti pínu á dönsku, er ég samt að gera þetta allt vegna þess að þetta hefur verið svo ótrúlega gaman. Ég hef ekki tekið neina persónulega áhættu (nema kannski tapað smá kúli á tímabili ;o) og þó það hafi komið tímabil þar sem þetta var minna gaman en á öðrum tímabilum, þá var heildarmyndin alltaf sú sama.

Þessar konur vinna í hreyfingunni út af stórri hugsjón um það að bæta samfélagið sitt. Þetta gera þær þrátt fyrir sífellda, og sívaxandi yfirvofandi persónulega hættu. Það er fylgst með hverju skrefi samtakanna, reikningar eru yfirfarnir vandlega og fylgst með pósti og símtölum, leynt og ljóst. Það að reyna að fylgjast með síbreytilegum reglugerðum gerir þeim ennþá erfiðara fyrir, því eins og ég sagði, það sem var leyfilegt í gær er það ekki í dag. Ef þær misstíga sig veit engin hver viðbrögðin verða. Bandalagið verður auðvitað lagt niður (Bannað) sem útaf fyrir sig er sorglegt, en þó bara peanuts í samanburði við þær persónulegu afleiðingar sem þetta getur haft fyrir konurnar sem í hlut eiga.

Og þessi raunveruleiki sem ég talaði um í upphafi, hann varði eina helgi fyrir mig. Í versta falli hefði mér verið hent í fangelsi í nokkra daga, en þar sem íslensk stjórnvöld og alheimssamtök skáta hefðu hvort um sig beitt sér fyrir lausn minni hefðu afleiðingarnar aldrei orðið meiri en þessi nokkurra daga fangelsisvist og brottvísun úr landinu. Geri ekki ráð fyrir að fara margar heimsóknir þangað í viðbót svo það hefði kannski ekki breytt svo miklu anyway!
Fyrir konurnar varir raunveruleikinn lífslangt.

P.s.
Í samhengi við paranoju mína og trúnaðarskyldu tók ég út öll nöfn í þessum texta sem geta bent á viðkomandi fólk og samtök.

og það er allt gott að frétta!

2008-02-12T15:39:00.001+01:00

Jæja, það er orðið svoldið síðan ég setti inn línu hérna. Ekki af því að það hafi ekkert verið að gerast, heldur kannski frekar af því að það var bara of mikið að gerast! En í stuttu máli:

1.) Búin að fá út úr prófum. Gekk vel, orðin læknir upp í ca nára núna ;o)
2.) Fór til Sviss á fyrsta vinnufund grúbbunnar minnar sem ég er að stýra fyrir Evrópustjórnina. Eða, ég gerði heiðarlega tilraun til þess ;o) Fékk ekki að fara upp í flugvélina af því að ég var ekki með vegabréf. (Hafði spurst fyrir og fékk þau svör að ökusskírteini hefðu dugað) Var eiginlega enn fúllra eftir að hafa fengið afgreitt neyðarpassa á 45 mín (frá því að mér var hent út úr flugvélinni ;o) og borgað fyrir það 200 DKK. Keypti nýjan flugmiða daginn eftir sem kostaði meira en 200 DKK.
3.) Fór í 3 ára afmæli til Daníels.
4.) Helgi Hrafn og Unnur dvöldu hjá okkur í tæpa viku. Voru í æfingarferð fyrir tónleikaferðalagið með Teit sem þau eru að fara í. Fékk að mæta á æfingu hjá þeim lokakvöldið, og þetta hljómaði mjög vel ;o) Hlakka til að fara á tónleika um næstu helgi!
5.) Fór til fyrrum Sovétlýðveldis. Mesta menningarsjokk sem ég hef orðið fyrir. Allt voða fínt á yfirborðinu, allir voða vingjarnlegir og vel til fara, og húsakostur góður. Þangað til að mér var hvíslað að fara og ná í ALLA pappíra sem tengdust verkefninu upp á hótelherbergið mitt.
Stjórnvöld kæra sig ekki um að erlend félagasamtök séu að skipta sér af samfélaginu, og það má taka börn landsmanna af þeim ef þeir blanda sér í erlend verkefni sem þóknast ekki stjórnvöldum. Velti því svo fyrir mér hvort og hver hefði farið í gegnum töskuna mína. Verð samt eiginlega að skrifa aðra færslu um þetta seinna.
7.) Byrjaði aftur í skólanum. Verður nóg að gera þessa önnina, en sem betur fer hefur mér tekist að koma því þannig fyrir að ég fer bara 1 ferð á mánuði það sem eftir lifir annar.
6.) Fór aftur til Sviss. Núna til að fara á Evrópustjórnarfund. Var mjög gaman að vanda, og allt mun auðveldara en áður. Maður er greinilega farinn að læra á þetta ;o)
8.) Vika tvö í skólanum byrjuð. Komin þriðjudagur, og 3 utanlandsferðir fram í maí búnar að bætast við. Þar fór 1 ferð á mánuði markmiðið fyrir lítið!

2008-01-22T21:01:00.000+01:00

Magnað hvað maður getur lengi verið að gera ekki neitt!
Náði samt að skrifa 4 heimsóknarskýrslur í dag, og sortera fullt af skátapappírum, svo það er smá von til þess að ég geti mætt þokkalega undirbúin um helgina.
Verður óvenjuskemmtilegt flug þar sem það fer dönsk stelpa með mér í flugi, og svo verða Íslendingarnir á svipuðum tíma líka, svo biðin verður fín ;o)

loksins líf!

2008-01-20T20:53:00.001+01:00

Jamm, prófatörnin er búin. Loksins loksins loksins... :o)
Og hægt að fara að gera allt það sem maður er búinn að hugsa sér að gera síðan fyrir jól, en alltaf endað með; ...þegar ég er búin í prófum!

En íbúðin er alla vega hrein, búið að þrífa út úr öllum hornum, endurraða í fataskápinn, sortera í möppur, búið að lesa í gegnum 4 mailbox, og svara öllu því sem þarf að svara, fara á útsölur, hringja næstum því öll símtölin sem "þurfti/átti/vildi" (einhverjir voru ekki heima ;o), lesa, fara út að labba, sauma.
Og nú er það friends :o)

Er að fara til Sviss á fimmtudaginn í 4 daga, er næstum því búin að pakka, hef ekki verið svona snemma í því síðan fyrir alheimsmót 1995! Aðallega af því að það var svo þægilegt þegar ég var að henda út úr fataskápnum samt ;o)

En vegabréfið mitt er hins vegar á öðru yfirráðasvæði. Ég vona bara að það skili sér á næstu dögum... Það verður samt varla hluti af farangrinum mínum um næstu helgi.

Á morgun ætla ég svo að baka. Þá held ég að það gerist ekki augljósara að ég þarf EKKERT að gera :o)

Ákvað að láta eina mynd síðan á jólunum fylgja með.

Það hefur verið svoldið fyndið að spyrja fólk sem ekki þekkir til, hver það haldi að sé mágkonan í þessum hópi. Það er aldrei rétta svarið :o)

2008-01-08T16:49:00.001+01:00

Jæja, þá er janúarafmælishrinan byrjuð :o)

Mamma á sun, pabbi í gær, Viktoría á morgun, og svo fleiri seinna í mánuðinum.
Til hamingju með þetta öll sömul!
Jólin og áramótin voru æði, og er annars bara á lifi, að lesa yfir mig af líffæradóti ýmis konar ;o)

Próf eftir 9 daga.

Sviss eftir 16 daga

Fyrrum sovétlýðveldi eftir 23 daga (Kann orðið símanúmerið í sendiráði þeirra utan að, ekki besta símakerfi í heimi. Öllum spurningum var svarað með: You can find that on our website)

Sviss aftur eftir 30 daga

Skemmtilegt líf.

Jólafríiiiiiillllestur...

2007-12-18T16:15:00.000+01:00

En alla vega á Íslandi :o)
Er að leggja af stað í ferðina til landsins góða eftir 28 tíma :o)
ætti eiginlega að vera að læra,ja eða pakka ef ég er ekki að læra, en ákvað í staðinn að blogga smá jólablogg, og laga til í tölvunni minni...

Mamma föst í einhverri borg sem heitir Ash, í Kirgistan. Spurning hvort við verðum að fresta jólunum þetta árið.

Ég óska ykkur alla vega öllum gleðilegra jóla, og farsælst komandi árs !

Takk fyrir allt gamalt og gott, og ég hlakka til að búa til fullt af nýjum frábærum minningum með ykkur á árinu 2008!

Prófalestur

2007-12-13T18:01:00.000+01:00

Ég er byrjuð í prófalestri.

Og hvað þýðir það?

Jú, að ég er búin að tala við fullt af fólki á msn sem ég hef ekki spjallað við í óratíma, íbúðin er alveg upp á sitt besta (eða alla vega á laugardaginn...) og ég er búin að laga myndasíðuna mína!!!

Ákvað að hafa lykilorð inn á hana, og þið getið fengið það með því að senda mér póst á fridurfinna@yahoo.com.
Bjó síðan líka til kenni svo þið gætuð KOMMENTAÐ á herlegheitin, og það er:
fridurfinna@hotmail.com (á þetta líka, en nota ekki ;o)
og lykilorðið...

Ákvað að hafa það einfalt svo það er það sama og til að komast inn, þið fáið það um leið og þið sendið mér póst ;o)

Og þar hafiði það.

Knús í krús

hvað næst???

2007-12-13T00:23:00.000+01:00

Í gær missti ég af flugi

Í dag kveikti ég í hárinu á mér

hvað gerist á morgun?!?!

Smá getraun samt:
Fékk þetta í "Bannorð" í Party og Co um daginn.
Man ekki alveg nákvæmlega hver bannorðin voru, en það var alla vega eitthvað með tennis, og amerískan meistara árið hitt eða þetta. Er ekki alveg mín sterkasta hlið svo þetta varð leiðin:

Alla vega, spurt er um mann.

Fornafnið hans er það sama og Beckham fótboltastjörnu (Giftur Victoriu Beckham ef einhverjir þekkja ekki fótboltastjörnuna ;o)

Fyrri hluti eftirnafnsins:
Hvað er efst í kirkjuturni? Og það á ensku?

Seinni hluti eftirnafnsins:
Er það sama og fornafn frægrar (af eindæmum...) söngkonu, sem heitir Winehouse að eftirnafni og birtist yfirleitt útúrdópuð á síðum blaðanna.

Góðir grannar

2007-12-10T01:38:00.000+01:00

Við eigum mjög góða nágranna hérna í húsinu. M.a. íslenskt par, Arnar og Rögnu, sem við umgöngumst mikið, og svo er það Nikolai, strákurinn sem býr beint fyrir ofan okkur.

Þegar við vorum nýflutt inn auglýstum við eftir borvél í láni, og var hann mættur daginn eftir með borvélina sína. Það var reyndar Stefán sem setti upp auglýsinguna, en ég og Viktoría sem tókum á móti honum, og eiginlega vissum við ekki hvað væri eiginlega í gangi, einhver strákur með borvél í dyrunum ;o)
Upp úr því hafa samt myndast ágæt tengsl á milli hæðanna, og er honum boðið í öll partý sem við höldum. Bæði af því að þetta er ágætis strákur, en ekki síður af því að hann er sá eini sem er með íbúð sem liggur beint að okkar....
(Þar með er aldrei kvartanavandamál vegna hávaða... ;o)

En alla vega.
Nikolai þessi er ættaður frá lítilli, franskri eyju í suðri, og er frekar dökkur og dularfullur yfirlitum. Þetta útlit hans, ásamt frönskukunnáttunni og svo ég tali nú ekki um salsahæfileikunum, er að fara alveg afskaplega vel í dönsku stelpurnar. Og það getur verið ansi gaman að virða fyrir sér mannskapinn í partýjum hjá honum, þar sem Stefán er oftast eini aðilinn af karlkyni fyrir utan gestgjafann, og restin er ljóshærðar, myndarlegar stelpur...

Við vorum ekki búin að þekkja Nikolai lengi þegar við komumst að því að Nikolai er með mánudagsstelpu, þriðjudagsstelpu, miðvikudagsstelpu og fimmtudagsstelpu. Og svo er hann með nokkrar helgarstelpur, en það getur verið misjafnt hver kemur hvenær, og hversu oft þær koma ;o)

Annað sem við komumst MJÖG fljótlega að um Nikolai, og reyndar svo fljótt að það var áður en við komumst að neinu öðru, er að rúmið hans kjaftar.

Og af hverju er ég að blogga kl. 01:52 á sunnudagskvöldi?

Jú, ein af helgarstelpunum er í heimsókn...

2007-12-07T11:12:00.000+01:00

Það er komin helgi!

Ósk á afmæli í dag (23 ára gellan, til hamingju með daginn :o)

Ég er búin að finna mér vejleder fyrir B.s. Er að fara að skrifa um Seksuelt Kriminalitet.

Stefán er farinn til Svíþjóðar og verður þar fram á mánudag.

Helgin verður notuð í að læra.

Nema á laugardagskvöldið. Þá er ég að fara að passa þá Daníel og Tóbías.

Það eru 12 dagar þangað til ég kem heim.

2007-12-03T15:43:00.001+01:00

jæja, það er eitthvað verið að kvarta undan því að ég láti heyra of sjaldan í mér, svo það er best að reyna að gera eitthvað í því!

Mesta át- og drykkjarhelgi ársins er liðin, en Valli, æskuvinur Stefáns, og Helga konan hans voru í heimsókn, undir fyrirsögninni "35 ára afmæli Valla".
Þetta var alveg snilldar helgi, með mörgum búðarferðum og alveg hreint ansi góðri frammistöði í eldhúsinu hjá þeim félögunum. Við Helga redduðum hins vegar okkar parti með því að bjóða þeim á hlaðborð...

Í gær (sem var afmælisdagurinn) fórum við svo í Tívolí, skoðuðum jólaljósin og sölubásana, prófuðum bestu tækin og enduðum á jólahlaðborði, hvaðan við ultum út og gátum varla hreyft okkur. Get það varla ennþá. Held samt að ég hafi aldrei áður fengið mér í glas mið- fim- föst, lau og sunnudagskvöld, Í RÖÐ!!! Er líka að hugsa um að halda mig bara við vatnið á næstunni...
Á næstunni er svo bara lærdómur, lærdómur og meiri lærdómur. Ásamt því að ljúka jólagjafainnkaupunum, passa æðislegu frændur mína Daníel og Tobías, (mamma þeirra ætlar LOKSINS að taka ítrekuðu barnapíuboðinu mínu ;o) og smá jólaglöggi um miðjan mánuðinn.

2007-11-26T22:28:00.000+01:00

Fór í tilraun í dag. Nýrnatilraun nánar tiltekið.

Drakk í henni tæpan líter af vatni, og tók antidiuretic lyf. Mátti svo rúmmálsmæla allt það vatn sem af mér draup í dag, það var annar sem fékk að sjá um allar hinar mælingarnar.
Skemmst frá því að segja að ég held ennþá öllum þeim vökva sem ég hef drukkið síðan í morgun...

Fór annars á tónleika á fimmtudaginn, með Helga Hrafni, bróður Stefáns, og hinni dönsku Söru Grabow. Þetta voru góðir tónleikar.

Fór líka á tónleika föstudaginn þar á undan með Bubba. Það var ágætt, en við Bubbi erum ekki sammála um lagavalið. En það er víst hann sem ræður, ég fæ bara að borga.

25000 kr á ári fyrir að eiga tölvu!!!

2007-11-12T15:07:00.000+01:00

And... helv... djö...
Nú þarf ég að borga LICENS i dk, af því að ég á tölvu, og af því að ég get mögulega horft á ríkissjónvarpið þeirra í henni!!!! Sem ég btw geri aldrei, og eiginlega frekar að ég ætti að borga þetta til RÚV þar sem ég nýti mér nú stundum það að horfa á fréttirnar þeirra.

Þetta er eitt flugfar heim á ári!!!
Andskotinn.

2007-11-07T22:07:00.000+01:00

Nefmæltur, smámæltur þjóðverji sem heldur fyrirlestur á ensku um algerlega óáhugavert efni!

Gerist ekki betra...

mmmmh, Harðfiskur...

2007-11-06T16:56:00.000+01:00

Páel og co fengu að overnatta, hef varla séð þau í 2,5 ár!
Þau komu með íslenskt nammi, og HARÐFISK með sér. MMMMMMMMM

Það var samt líka gaman að sjá þau ...

Forsetamerkið

2007-10-30T16:38:00.000+01:00

Kristín Una sys var að fá forsetamerkið sitt á laugardaginn :o) Hún átti reyndar að fá það fyrir 3 árum, en þá bjó hún í Noregi. Árið eftir bjó hún líka í Noregi og svo bjó hún í Kína í fyrra svo það hefur verið eitthvað erfitt með að sækja blessað merkið. En núna er hún komin heim, og gat tekið á móti því á Bessastöðum, loksins :o)

Til hamingju með þetta Kusa mín, þú tekur þig vel út á myndinni :o)

Fréttin á mbl

P.s.

Það er svoldið skemmtilegt að hún fékk merki númer 1201, en mitt merki er akkúrat númer 901! :o)

vinátta

2007-10-26T21:20:00.000+02:00

undanfarna daga hef ég verið að velta svoldið fyrir mér gildum vináttu.
Hvað er það mikilvægasta í góðri vináttu?

Fyrir mér er það gagnkvæmt traust, að geta sagt við hvorn/hverja aðra það sem manni finnst, og rökrætt hlutina, og geta treyst því að viðkomandi geri það sama. Að það sé á hreinu hvað felst í hlutunum, að maður viti að viðkomandi segir manni satt og að maður viti á hverju maður á von.

Hvað með ykkur?

2007-10-21T22:25:00.001+02:00

Jæja, þá er Noregsferðinni lokið, og komin 6 vikna pása frá ferðalögum! Ansi er það nú ljúft :o)

Annars er það svoldið fróðlegt að fara í gegnum veskið mitt núna, endalausar kvittanir, tómir tyggjópakkar og afrifur af boarding pössum. Er s.s. svoldið langt síðan ég gerði þetta síðast... ;o) Fann líka nafnspjald frá veitingastað í Brussel sem ég fór á, ekki síðast heldur þarsíðast. Var ansi góður, ítalskur staður með afrískum innréttingum, eins mikið sens og það nú meikar! En ég get alla vega látið ykkur hafa heimilisfangið ef þið eigið leið um Brussel á næstunni ;o)

En Noregur var fínn. Var á hálfgerðu skátaþingi þeirra norsara, nema að það voru bara skátar frá districtunum, eða héraðssamböndunum þeirra þarna. Og hvert og eitt þessara héraðssambanda eru eiginlega á stærð við bandalagið okkar heima, svo ég fór allt í einu að skilja þörfina fyrir alla þessa skiptingu...
Verð að viðurkenna að mig langaði eiginlega bara heim á skátaþing þegar ég var þarna, enda minnti þetta um margt á íslensku skátaþingin. Nema að hlutverk guðs almáttugs var "aðeins" stærra þarna en nokkurn tímann á íslensku skátaþingi! Og ég þekkti aðeins færri en heima ;o)

Hitti svo í fyrsta skipti strák sem er með lengri neglur en ég! Og þar sem ég er búin að vera í 2-3 vikna fríi frá vinnu eru þær orðnar ansi langar á mér. Ímyndið ykkur hvernig þær eru á honum!

Farin að horfa á friends. Og njóta þess að vera heima :o)

Heima er best

2007-10-17T19:24:00.000+02:00

Jæja, nú hefði ég átt að vera komin til smábæjar í Slóvakíu, sem reyndar er á lista yfir mögulegar heimsminjar svo það hefði ekkert verið svo slæmt að fara þangað. Og svo sem ekki heldur að komast til Slóvakíu, en það hefði þýtt nýtt land á listann hjá mér...
... en það hefði líka þýtt yfir 20 tíma ferðalag fyrir 30 tíma dvöl og yfir 600 Evrur. Fyrir utan enn minni tíma heima hjá mér og til að einbeita mér að náminu, svo ég er eiginlega bara mjög fegin. Þrátt fyrir allt.

Brussel um seinustu helgi. 2. fundur Evrópustjórnarinnar, og voða gaman að sjá þau öll aftur. Og svo er það Noregur um næstu helgi, en þá er ég komin í 6 vikna frí frá ferðalögum. Hélt ekki að það kæmi að þessari stund, en rosalega er ég fegin!

Var beðin um að fara til Hollands um næstu helgi, og svo til Sviss helgina þar á eftir, en sagði nei. Komið nóg á þessu ári, og tvær ferðir eftir í Desember!

Það er hins vegar sjáanleg aukning í þátttöku Íslendinga í nefndum hjá WAGGGS, 3 einstaklingar sem fengu bréf þar sem þau voru boðin velkomin í hinar ýmsu nefndir :o) Siggi Úlla kemur í minn hóp, og Jón Grétar og Esther fara í sitthvorn hópinn svo þetta verður góður hópur :o) Og örugglega voða fjör :o)

Og svo er ég svona nánast búin að dobbla Jón Ingvar í Planning team með mér fyrir námskeið sem ég er ábyrg fyrir í Desember :o)

Eitt samt alveg ótengt. Hef verið að velta fyrir mér, inn á blog.is, þá er alveg ótrúlega algengt að fólk sem setur tengingar við ákveðnar fréttir, að það sé bara með orðrétta endurtekningu á fréttinni. Hvað er eiginlega málið? Af hverju? Somebody með útskýringu á þessu fyrir mig?

90 ára afmælið!

2007-10-10T15:59:00.000+02:00

jæja, þá er helgin sem beðið var eftir síðan í fyrravetur liðin, og gott betur en það!

Mamma, Bidda móðursystir (bara fyrir þig KUSa :o)og afmælisbarnið (Afi, fyrir þá sem ekki vita) mættu á fimmtudeginum í grenjandi rigningu og voru skjólinu fegin þegar þau voru loksins komin í gegnum ferlið sem þarf til að komast inn til okkar...

Fegnust voru þau nottlega samt að sjá loksins MIG, og kannski pínu Stefán líka :o)

Föstudagurinn var svo tekinn snemma, sérstaklega fyrir mömmu sem fór á fætur kl. 7 að sínum tíma til að mæta í klippingu. Restin týndist svo smátt og smátt á fætur, og þegar ég kom heim úr skólanum kl. 2, að þá voru öll hin komin - pabbi, Sölvi, systur mínar og frændur. Var eiginlega alger heppni að ég náði að sjá systurnar og frændurna, því þeim lá svo á að komast í búðir að þau gátu ekki beðið eftir mér (held að það hafi samt aðallega verið systrunum sem lá svona á, ekki viss um að frændurnir hafi verið alveg jafn stressaðir... ;o) Við mættumst samt í götunni, þau á leið í búðir, ég á leið heim.

Það vantaði s.s. bara Gunnar og Ásdísi, en þar sem þau eru svo nýflutt út, og skólinn byrjaður á fullu, þá gekk það ekki upp að þau gætu komið líka. Svoldið langt að fara í yfir 40 tíma ferðalag fyrir eina helgi, því miður. En internetið bjargaði því nú samt að við gátum heyrt í þeim þrátt fyrir að höf og heimsálfur skilji að ;o)

Það er samt greinilegt að afi hefur hegðað sér vel síðasta árið, og jafnvel síðasta áratuginn, því góða veðrið ákvað að koma til baka, og það var bara þvílík blíða og sól alla helgina. Þannig að við tókum helgina eiginlega bara í rólegheitunum með smá bæjar- og búðarrölti, þar sem farið var á alla helstu Íslendingastaðina. Þám Hvidts vinstue og Skinderbuksen, svona til heiðurs gömlu fyllibyttunum okkar... (Þá meina ég sko Jónasi Hallgrímssyni og kó)
Samt alger heppni að þetta er fyrsta helgin í mánuði, svo hinar verslunarglöðu systur mínar fengu líka sunnudaginn til að athafna sig, en það er nú sjaldgæfur lúxus hérna í baunaveldi!

Á laugardagskvöldið, sem er afmælið hans afa, fórum við svo öll út að borða á veitingastað rétt hjá þinghúsinu. VIð vorum öll mjög ánægð með matinn okkar, nema kannski afi sem er búinn að læra það af biturri reynslu að hann og kjöt á veitingastöðum nú til dags fara ekki saman. Það þykir víst ekki fín matreiðsla að sjóða eða steikja neitt í marga tíma lengur... ;o)
En sem betur fer voru nú bæði forréttirnir og eftirréttirnir honum að skapi og vel útilátnir, svo þetta slapp allt saman til...
Okkur fannst samt frekar merkilegur munurinn á skammtastærðinni. Ef maður pantaði sér kjöt fékk maður þennan venjulega nískubita, en ef maður pantaði sér fisk, fékk maður sko heilan fisk! Nánast með hausi og sporð líka! Ég er ekki að segja að ég hefði vilja fá heilt naut á diskinn minn, en má nú á milli vera! En þetta var rosalega gaman, og allir ánægðir með kvöldið. Á staðnum afhentum við svo afa síðustu gjöfina sína, sem var myndaalbúm með fyrir hundrað myndum af öllum afkomendunum. Held svei mér þá að það hafi verið sú gjöf sem vakti mesta lukku :o)

Á leiðinni heim skelltum við afi okkur svo í hjólavagn. Ágætis tilbreyting við leigubílana og örugglega ný upplifun fyrir afa, þrátt fyrir árin 90! (Og reyndar mig líka, þrátt fyrir að ná ekki einu sinni 1/3 af hans árafjölda ;o)

Sunnudagurinn var svo tekinn í rólegheitum að mestu, karlmennirnir í fjölskyldunni skelltu sér allir í experimentarium en kvenfólkið fór niður í miðbæ. Ekkert meira um það...

Á sunnudagskvöld áttu svo allir flug heim, nema mamma og afi sem fóru daginn eftir.
Þetta var alveg æðisleg helgi, og gaman að fá alla í heimsókn. Ágætt að fólkið viti hvernig maður býr alla vega!!! :o) Það er reyndar svoldið þröngt að hafa 12 manns í mat, og kannski eins gott að Gunnar og Ásdís komust ekki því við eigum bara 12 diska... ;o) En þröngt mega sáttir sitja, og held að allir hafi verið nokkuð mettir líka!

2007-10-03T14:27:00.000+02:00

Vááááááá

er hægt að vera meiri bjáni!?!??!
Eftir að hafa eytt hátt í kl.t. við að reyna að finna flug á skikkanlegu verði á öllum þessum þúsundum heimasíðna sem haldið er út um flugferðir, pantaði ég flug til Brussel næsta fimmtudag. Vel sloppið með 2605 dkk.

Eini gallinn að ég á ekki flug heim fyrr en 14 nóvember....

og hvað á barnið að heita?

2007-10-01T14:30:00.000+02:00

Eina "frí"helgin í september og október liðin. Endaði nú sem allt annað en slökun, en það var bara gaman ;o)

Afmæli hjá Sophie á föst, matur hjá Ladda og Þórunni á lau, vinna á sun, og svo afmæli hjá Aldísi og Grjóna. Ekki alveg slökunin, en góð helgi samt ;o)

Fékk samt æðislegan póst í dag. Við skulum byrja á að átta okkur á því að ég hef séð ýmsar útgáfur af nafninu mínu í gegnum tíðina, líka á Íslandi. Bandalagið átti til dæmis nokkra mjög góða spretti þar sem ég hét ýmist Friður, Tinna eða eitthvað annað Sjaldnast samt skírnarnafninu mínu.
Eftir að ég fór að stunda útlöndin meira hefur þetta orðið enn fjölbreyttara, og stundum skil ég ekki að ég fái að fara í gegnum öryggiseftirlit með vegabréf sem á stendur Fríður Finna Sigurðardóttir, því það stendur nú sjaldnast á flugmiðunum... (við skulum samt líka hafa það á hreinu að ég kann að skrifa nafnið mitt, og skrifa það mjög nákvæmlega þegar ég panta ;o)

Stundum reyndar breyti ég ð-i í d, og í-i í i. Annars er það skrifað hárrétt í pöntuninni. Það er samt engin trygging fyrir því að það sé það sem standi á flugmiðunum, eða bréfum eða hverju öðru sem það nú gæti verið.

Hér koma nokkur dæmi:

Friður Finna Sigurðardóttir \
Friður Tinna Sigurðardóttir > þessi 3 koma frá BíS
Friður Tinna Sigurðardóttir /
Frur Finna Siguoardottir
Frur Finna Sigoardottir
Friour Finna Siguoardottir (r-ið dettur líka alltaf út, veit ekki af hverju ;o)
F (þetta hefur samt bara komið á pakka frá póstinum, ekki á flugmiða...)

Finnar Sigurdardottir

Og svo toppurinn, það sem kom í dag ....

Findur Finna Sign Javel

Ljúkum þessu með þeim orðuðunum...

Hlýjar kveðjur,
Findur Finna Sign Javel

reunited, finally!

2007-09-29T12:45:00.000+02:00

að bíða

2007-09-26T15:51:00.001+02:00

ég er að bíða eftir hægri skónum mínum.
Hann kom á föstudaginn, en þá vorum við ekki heima.
Hann (þeir) á að koma aftur í dag, á milli 08 og 16.
Við erum búin að vera heima í allan dag og hann er ekki ennþá kominn.
Kl. er 7 mínútur í 16.

Ég missti af því að hitta forseta Þýskalands af því ég þurfti að mæta í gagnslausa tilraun þar sem ég gerði ekki neitt, nema að horfa á risastóran segul.
(Verð reyndar að viðurkenna að ég eiginlega gerði mér ekki grein fyrir því að Þýskaland væri með forseta, þessi kanslari var alltaf að flækjast í hausnum á mér, en farið ekkert með það lengra...)

Berlín...

2007-09-24T18:39:00.000+02:00

Jamm, þá er fyrsta kontaktheimsóknin mín búin!

Var nú með smá hnút í maganum, og ekki alveg viss við hverju ég ætti að búast, en þetta var nú bara hin ágætasta upplifun. Fékk að vita það daginn áður en ég lagði af stað að ég ætti að taka þátt í "talk show", þannig að ég fór og las alla þá pappíra sem ég gat náð í frá WAGGGS, svona til að vera undirbúin fyrir hvaða spurningar sem kæmu upp.

Fékk svo að vita það á staðnum, að það yrði ekkert talk show, en í staðinn ætti ég að flytja ræðu. Eftir 2 tíma.

Var svo sem ekki mikið í stöðunni annað en að setjast niður og skrifa ræðuna, og það var alla vega hlegið á réttum stöðum, og klappað líka. Ekki bara í lokin ;)

Á sunnudeginum fékk ég svo persónulegan guided tour um Berlín, svo það var ekki yfir miklu að klaga. Nema kannski því að það varð ekkert úr lestri á flugvellinum, en það var svo sem ekki gert ráð fyrir honum í lesplaninu...

Ég fékk líka smá innsýn í það hvernig ég hefði tekið mig út sem kaþólskur guide í Bavaría á 8tunda áratugnum. Bara alls ekkert svo slæmt eiginlega! (þetta er samt mynd tekin af mynd svo hún er frekar óskýr...)

Í dag var það svo bara skólinn á ný. Meira að segja skýrsluvinna svo það gerist varla skemmtilegra!

2007-09-21T16:42:00.000+02:00

Síðasta biokemi övelsen í lífi mínu er búin! Nú á ég bara eftir að mæta í einn efterbehandlingstime og skrifa skýrslu, og svo aldrei meiri biokemiövelser!!!

Mætti hins vegar í tíma kl. 8 í morgun til þess eins að komast að því að honum hafði verið frestað til kl. 10. Eins og ég elska nú að fara á fætur á morgnana...

Berlín í kvöld, hangs á sunnudaginn.

Adois, og góða helgi gott fólk

2007-09-18T18:45:00.000+02:00

"Vöknuðum" upp við blá ljós og læti hérna um 23-23:30 leytið í gær. Gatan full af slökkviliðsbílum, og auðvitað áhorfendum ;o) Komumst svo að því í morgun að einhver fanginn nágranni okkar hafði ekki verið sáttur með arkitekturinn á herberginu sínu, sérstaklega ekki á textílnum, svo hann kveikti bara í öllu heila klabbinu.

Því miður er þessi fangi ekki staðsettur í Blegdamsvejfangelsinu, enda skilst mér að hann hefði þá meiri áhuga á Stefáni en mér anyway...

Vissuð þið samt að í Danmörku er hraðbönkum lokað á nóttunni? Ef þú getur ekki náð í þinn pening á venjulegum dagvinnutíma, þá hefurðu bara ekkert við svoleiðis að gera vinurinn!

Hin fullkomna fósturmóðir...

2007-09-17T21:01:00.000+02:00

Las það áðan á mbl.is að Madonna væri hin fullkomna fósturmóðir :o)

Efast ekki um að það sé rétt hjá hinum malavíska eftirlitsmanni sem dvaldi á heimili hennar til að kanna aðstæður og er afskaplega ánægð fyrir hönd Madonnu að það sé nú orðið vottað!

Er samt að velta því fyrir mér hvort þeim peningum sem það kostaði að koma honum þangað hefði ekki verið betur varið í eitthvað af börnunum sem urðu eftir á fósturheimilum í Malaví, og látið nægja að þetta tiltekna barn getur leyft sér að leyfa matnum það sem eftir er lífs síns. Án þess að ætla að gera lítið úr þeim mögulegu hættum sem geta fylgt bandarísku heimilislífi, svo maður tali nú ekki um svona stórstjörnuheimlislífi, og ekki finnast á malavískum fósturheimilum...

En þá hefði eftirlitsmaðurinn líka misst af því að búa hjá Madonnu ;o)

Velti því samt fyrir mér, hvurs frændi hann er eiginlega...

2007-09-16T22:40:00.000+02:00

1. skóladagur á morgun, Övelsesforberedelse i fyrsta tíma. Æði.

Travel Yup - That's me!

2007-09-14T23:51:00.000+02:00

SRC="http://www.world66.com/myworld66/gowhere/images/corner1.jpg">
	Your travel type: Travel Yup The Travel Yup likes exotic and adventurous travel, but prefers big cities with fast paced life. He has a keen interest in other cultures and always brings home a few souvenirs. Shopping in Bangkok, getting a tailor made suite in Kuala Lumpur, that's the kind of thing the Travel Yup is into. Even though he likes to get away, he prefers his travels to be comfortable.
	top destinations: New York Hong Kong Bangkok	stay away from: North Korea Ciudad Perdida Darien Gap

get your own travel profile

Þarna fyrir ofan ætti að standa (og gerir það, bara ekki sjáanlega ;o)

"Travel Yup likes exotic and adventurous travel, but prefers big cities with fast paced life. He has a keen interest in other cultures and always brings home a few souvenirs.
Shopping in Bangkok, getting a tailor made suite in Kuala Lumpur, that's the kind of thing the Travel Yup is into. Even though he likes to get away, he prefers his travels to be comfortable."

2007-09-13T16:20:00.000+02:00

Þegar maður byrjar í náminum hérna er manni skipt niður í Hold og byrjaði ég í Holdi 101. Það verður svo hold 201 þegar maður kemur upp á 2. semester (önn), 301 á 3 sem etc. Ekki mjög flókið.

Þegar ég var að byrja á 3 önn var ákveðið, að þar sem bekkurinn minn hafði minnkað um helming, að það væri hentugast að skipta honum upp í öreindir, sem er ástæðan fyrir því að ég var í bekk 303 og 403 á síðasta ári, en ekki 301 og 401.

Nema hvað, nú er 5 önn að byrja, og í tilraun til að skipuleggja mig er ég búin að ná í stundaskránna inn á netið og skrifa hana upp í dagbókina mína (þar sem hún fylgir allt sem ég fer, eins og sönnum dana sæmir ;o) auk þess sem ég er byrjuð að skipuleggja hvenær ég ætla að lesa hvað, svona til að fylgja þessum fyrirlestrum sem standa fyrir dyrum. Og við skulum hafa það á hreinu að þetta er bæði tímafrek, og leiðinleg vinna!

Fékk að vita það í gærkvöldi að það er búið að fækka um bekk og þess vegna er ég núna í holdi 502...

Að hjóla upp brekkur!

2007-09-12T15:27:00.001+02:00

Ég hjólaði upp fyrstu brekkuna í 1,5 ár núna áðan. Ég var sko búin að gleyma hvað það er miklu erfiðara að hjóla upp brekku heldur en á jafnsléttu!!!!!!

2007-09-10T13:23:00.000+02:00

Já, það var cirkusinn.
Það var fínt í cirkus og nokkuð ljóst að það voru tveir markhópar sem átti að höfða til. Það voru börn, og pabbar.

Komum svo heim eftir cirkus og settumst við spilaborðið ásamt Arnari og Rögnu nágrönnum okkar (sem áttu hugmyndina að cirkusferðinni). Seinna bættist svo Líney í hópinn og náðum við að grynnka aðeins á áfengisbyrgðunum...

3 tímum eftir að við fórum að sofa kom svo sms frá Ara bekkjarbróður, hann kominn til Köben. Sá það nú ekki fyrr en mörgum tímum seinna, en hann náði nú samt að koma aðeins í heimsókn ásamt ömmu sinni og afa, sem voru að halda upp á stórafmælin sín. Hann sjötugur og hún að verða ellilífeyrisþegi :o) Það eru sem sagt fleiri en bara afi minn sem ákveða að halda upp á afmælin sín í Köben!

Grískir matseðlar og hlustunarpípur

2007-09-08T12:38:00.000+02:00

Fór til Brussel á fimmtudaginn og borðaði kvöldmat á grísku veitingahúsi. Það er svo sem ekki í frásögur færandi, nema af því að þegar við báðum um að fá að sjá matseðilinn vorum við dregnar fram í eldhús og sýnt úrvalið af mat þar!
Frekar fyndið verð ég að segja, og ekki viss um að þetta myndi líðast aðeins norðar í Evrópu!

En svo kom ég heim í gærmorgun, og þegar heim var komið beið mín pakki undir sæng :o)
(engar sorahugsanir hérna, þetta var alvörupakki í gjafapappír og með slaufu á!)
En alla vega, í söknuðinum eftir mér á fimmtudaginn fór Stefán og keypti handa mér þessa fínu hlustunarpípu, svo nú lít ég út eins og alvöru læknir með alvöru hlustunarpípu um hálsinn :o) Geggjað!

En það var samt Anna vinkona sem var afmælisbarn gærdagsins, og er henni hér með óskað hjartanlega til hamingju með það. Mér fannst voða leiðinlegt að komast ekki í afmælisveisluna þína!

Í kvöld er það svo cirkus! Hef ekki farið í cirkus síðan ég var lítil á Króknum, svo það verður gaman að sjá hvernig þetta verður! (Og að fá candiflos, það er aðalatriðið!) Segi ykkur betur frá því síðar.

Bílnum okkar var stolið!

2007-09-04T00:55:00.000+02:00

Tekið af mbl.is.

Innlent | mbl.is | 3.9.2007 | 18:34
Strokupiltar á stolnum bíl
Talið er að drengirnir tveir sem struku frá meðferðarheimilinu Bergi í Aðaldal hafi tekið bifreið trausta taki og aki henni nú suður til Reykjavíkur. Þeir sem gætu veitt upplýsingar um bifreiðina UT-493 sem er ljósblá Toyota Corolla árgerð 1992 eru vinsamlegast beðnir að hringja í lögregluna á Húsavík í síma 464 1303.

Það vill svo sérstaklega skemmtilega til að þetta er BÍLLINN OKKAR sem er verið að tala um!!!!!

2007-09-03T21:24:00.000+02:00

Kom frá Færeyjum í gær

Það er nauðsynlegt að vera vel undirbúinn og lesa vel um hvað er hægt að gera í Þórshöfn - Anna sá um það

"Kjampen og Kællingen" - Þessi skötuhjú ætluðu að draga Færeyjar heim til Íslands, hvaðan þau komu. Náðu nú samt ekki lengra en kortin segja.

Ég keypti mér þessa fínu húfu í flugstöðinni í Vägar.

Og svo er það bara dagsferð til Brussel á fimmtudaginn!

Nattevagten ja!

2007-08-29T05:13:00.000+02:00

ætladi ad kopiera prof sem eg tok a netinu hingad inn, en tokst ekki betur en svo ad ekkert kom.

Fekk samt ad vita ad lif mitt er eins og romantisk komedi, og nu faid tid ad vita tad lika...

Nadi samt a tessu netbrolti minu ad stilla yahooid mitt tannig ad tad opnast i hvert skipti sem einhver a deildinni slær inn yahoo.com. Engin mjøg personuleg bref a donsku eda ensku a næstunni takk fyrir takk ;o) (er samt buin ad eyda tessu ut tannig ad eg geri tilraun a eftir til ad athuga hvort tad hafi tekist :o)

Farin ad mæla blodsykur, sem er nb tad eina sem eg geri i nott! (to tad se 1-4 x i klt ;o)

blautbolakeppni

2007-08-28T07:39:00.000+02:00

Fékk þessi gríðarlega fallegu vinnuföt í nótt. "Kjóll" eins og þessi sem maður sér í ákveðnum lit bíómynda og er alveg á mörkum þess að teljast þægilegur vinnufatnaður, og hvað þá siðsamlegur...

Siðseminni var samt bjargað þegar einn sjúklinganna réð ekki alveg við sturtuhausinn og sprautaði beint á mig svo það mátti ekki á milli sjá hvor var blautari, ég eða sjúklingurinn að sturtunni lokinni.

Lögreglumennirnir sem sátu fyrir framan fataherbergið í alla nótt fengu ágæta vakningu þarna í morgunsárið.

jæja....

2007-08-26T18:54:00.000+02:00

Já, þá er maður kominn til dk á ný, og allt að falla í sama horfið aftur. Eða alla vega, komin smá rútína á lífið þó það vanti enn svoldið upp á að allt sé komið á sinn stað eftir ferðalögin... ;o)

Jamboree var skemmtilegt, þó ég hafi nú aldrei séð nema helminginn af þessum öllu saman, og ekki kynnst einni nýrri manneskju sem er harla óvenjulegt. Í staðinn hitti ég samt marga gamla vini, og átti góðar stundir með íslenska fararstjórnargenginu...

Vorum svo nokkra daga í London á meðan skátarnir voru í heimagistingu, tilbúin að redda hlutunum ef eitthvað kæmi upp á, en sem betur fer var ekki mikil þörf fyrir þá aðstoð og flestir skátarnir skemmtu sér vel í sinni dagsskrá þar. Ég hins vegar keypti mér nýjar tevur, en eins og einhverjir gætu hafa tekið eftir voru það tveir vinstri skór sem komu upp úr kassanum heima á Íslandi...

Á Íslandi létum við ástmögurinn svo loksins verða af því sem við höfum talað um í mörg ár og keyrðum hringinn. Lentum í því í fyrsta skipti að reka bílinn upp undir á þjóðvegi 1 (Þvottárskriður) og áttum góðar (matar-)stundir með ýmsum ættingjum og vinum. Við erum strax byrjuð að skipuleggja ferðina næsta sumar :o) (vonandi með engum uppírekstrum þó).

Og nú er það bara vinna.

sumarfríið búið :(

2007-08-21T22:29:00.000+02:00

kominn til dk.
búin að kaupa mér nýjar tevur.

Meira fljótlega

Jamboreeeeeeeee

2007-07-30T02:18:00.001+02:00

Jæja, þá er maður kominn á Jamboree. Einn af þessum 42.000 sem þangað eru komnir :o)
Sit núna á kvöldvakt í Icelandic Contingent Headquarters og passa hús (tjald) og híbýli ásamt Jóni Grétari. Virðast loða við mig þessar kvöld og næturvaktir... Er reyndar orðið ansi kósý hérna hjá okkur, en mikið lifandi ósköp er ég fegin gasofninum sem er hérna við hliðina á mér. Ekki mikill munur á enskri og íslenskri veðráttu. Grenjandi rigning þegar við skriðum upp brekkuna að tjöldunum okkar í gærkvöldi, vaknað í hráslaga í morgun og skvampað niður í centrum í leifum gærdagsins. Um miðjan dag óskaði maður svo þess að maður hefði haft aðeins minni, þynnri, styttri föt með niður í morgun, svona þegar sólin skein og hitinn ætlaði allt að kæfa. Og núna er orðið kalt, eins og á íslensku vorkvöldi og maður óskar þess að maður væri með ullarpeysuna góðu :o)

Í gær var setningin, öll þúsundin samankomin, hver þjóð að veifa sínum fána og fagna því að vera loksins, loksins komin hingað. Sem betur fer var sól og hiti þá, rigningin kom ekki fyrr en Scissor sisters voru komnar á svið á tónleikum kvöldsins, en það skipti ekki máli, regngallinn upp og málinu reddað :o)

Fararstjórnin er að mestu búin að klára að koma upp og skipuleggja sínar stöðvar þannig að nú getum við skipt með okkur vöktum og fengið aðeins meiri frítíma (skiljist einhvern frítíma ;o) Og byrjuð að skoða mótssvæðið og njóta þess sem það hefur upp á að bjóða. Búin að borða í þýskri "höll, ekkert hægt að lýsa þessu öðruvísi (myndir vonandi seinna), á austurískum veitingastað þar sem þjónarnir voru klæddir í kjól og hvítt og borðin dúkuð, og á svissneskum veitingastað þar sem var framreidd ostafondue, hvað annað?

Á morgun er svo ætlunin að fara á tékkneska veitingahúsið og finnska kaffihúsið. Og reyna að kíkja á íslensku póstana sem er búið að undirbúa síðustu mánuði heima á Íslandi ásamt öllu hinu sem á samt örugglega eftir að taka mun fleiri daga en þá sem standa til boða.

Reyni að skella inn myndum og einhverju fleira næstu daga :o)

Fríður

Þaðan sem Saudi Arabía er næsta land við Ísland!

Sumar í köben

2007-07-26T03:22:00.000+02:00

Mamma og pabbi eru búin að vera hérna í nokkra daga núna. Afskaplega ljúft, og þvílíkur lúxus að við erum með 3 hjól svo við erum búin að geta hjólað út um alla borg. Fórum stóran túristahring og skoðuðum skólann minn að utan, litlu hafmeyjuna, langelinien, Kongens Nytorv og eitthvað fullt fleira, ásamt því að hjóla um nánasta og aðeins fjarlægara umhverfi mitt hérna á Norrebro og Fredriksberg. Sumir hjóluðu meira en aðrir samt því þegar við mamma fórum í Fields að redda dýnu fyrir alheimsmótið fyrir mig, fékk pabbi sér auka hjólatúr. Held bara að allir hafi verið ánægðir með það... ;o)
Auk þess erum við svo búin að fara út að borða, í Tívolí og horfa á laser-sýningu og svo bara njóta þess að slaka á.

Í dag fóru þau svo af stað til Túnis ásamt Jóni og Þórarni, og ég fór og hitti Fanney og Kristinn í Tívolí. Nóg af fólki í Köben s.s. eins og venjulega!

Ég er hins vegar komin í sumarfrí, og er bara að reyna að byrja að pakka fyrir Jamboree :o)
Fyrsta skrefið búið, bakpokinn kominn upp úr kjallaranum...

Til hamingju með daginn Stefán :o)

2007-07-18T20:24:00.001+02:00

Ástmögur minn á afmæli í dag.
Hann er á besta aldri og ætlar að njóta dagsins í faðmi fjölskyldunnar, að undanskilinni mér því ég er í Köben.

Njóttu dagsins elskan mín, og mundu að allir góðir hlutir batna með aldrinum ;o)
Hann hefur nú samt alltaf verið svo ungur í anda!!!

Notið hjálminn

2007-07-17T17:41:00.000+02:00

Fyrir rúmlega þremur vikur datt ég á hjóli. Ég tognaði og marðist á fæti og var á hækjum í einhvern tíma, og eftir að þeim sleppti er ég búin að vera hölt og er enn, mér til mikils ama og leiðinda.

Í nótt vakti ég yfir konu á neurologiskri leguskurðdeild. Hún er öll marin og blá, ásamt því að hafa fjölda fleiðursára út um allan líkama. Það er hins vegar ekki ástæða þess að hún liggur inni á spítala. Hún getur sagt örfá orð, heyrir illa, er að hluta til lömuð hægra megin og hefur ekki stjórn á þvagi og saur, allt vegna heilablæðingar eftir að höfuðið á henni slóst við í fallinu.

Ég hjóla á hverjum degi. Mislangt í hvert skipti, en alltaf innan um aðra vegfarendur. Keyrandi, hjólandi eða gangandi. Oft hef ég hugsað að æ, maður ætti nú kannski að nota hjálminn sem liggur heima í vettlingakörfunni, en um leið þá nenni ég því ekki, því fyrsta lagi er það svo "hallærislegt" og í öðru lagi verður hárið á mér svo klesst undan honum...

Í dag fór ég samt og fann fram hjálminn minn.

2007-07-15T22:54:00.000+02:00

Ástkær föðursystir mín, Ólafía Jónsdóttir, Olla, lést á fimmtudagskvöld eftir langa og harða baráttu við krabbamein.

Hennar er sárt saknað af öllum sem þekktu hana, fyrir gæsku sína og alúð, sem endurspeglaðist í viðmóti hennar sem alltaf var fullt af hlýju en um leið svo fágað að eftir var tekið.

Minning þín lifir í hjörtum okkar.

2007-07-12T00:52:00.000+02:00

Sat á svölunum hjá tengdó í morgun, og er komin með þvílikan lit. VINSTRA MEGIN!!!!
Geðveikt sexý s.s. ;o)

Er annars að fara suður á morgun, og hef tvo daga í rvk, brúðkaup hjá Gumma og Olgu á lau og svo Dk á sun. "Fríið" s.s. að verða búið og vinna á mánudaginn.

2007-07-08T16:58:00.000+02:00

Krókurinn hér, hvar og hvenær sem er...

Jamm búin að vera á Króknum í næstum viku núna, eftir tæpa viku á suðurlandinu. Og mest af þessum tveim vikum er ég búin að liggja uppi í sófa!!!

Er víst það sem kemst næst því að vera sumarfrí síðustu árin, og bara af því ég neyddist til þess! ;o)

Stjörnuspáin í dag

2007-06-25T00:03:00.000+02:00

Naut: Tveggja mánaða stríð þitt við aðgerðaleysi er búið - næstum því. Vertu sterkur og þrjóskur. Horfðu í augun á því, taktu það á sálfræðinni. Sigraðu

Jamm, tveggja mánaða aðgerðarleysi lokið! Engar fleiri sumarnætur þar sem barist er við að klára námsefnisskammt dagsins áður en Óli Lokbrá tekur völdin, eða skýrsluleiðbeiningar í flugvélum meðan þeyst var á milli ótalinna landa og borga. Veit ekki alveg við hverju ég á að búast á næstu mánuðum ef síðustu tveir hafa verið í aðgerðarleysi!!!!!

Af mér er annars það að frétta að aðdráttaraflið á milli mín og Stefáns er svo sterkt að það tekur af okkur öll völd, meðal annars þegar við hjólum, og þess vegna er ég nú með vafinn fót og hækjur sem líklega verða minn traustasti fylgifiskur næstu vikurnar. Alla vega virðist þetta ætla að duga til að slíta aflið á milli okkar Stefáns en hann fer heim eftir 9 tíma.

Fríður og hækjurnar

búin að panta öll flugin mín :o)

2007-06-22T22:14:00.000+02:00

Jæja, þá small þetta allt saman að lokum.

Búin að panta flug frá DK til London þann 27. júlí á 5000 ISK, London til Reykjavíkur þann 12. ágúst á rúmlega 20.000 ISK og svo Reykjavík til Kaupmannahafnar þann 29. ágúst á tæplega 10.000 ISK. 3 flugfélög og tæplega 12.000 ISK á legg. Og þá vitið þið líka hvenær ég verð á Íslandi, og hægt að panta tíma í hitting frá og með núna ;o)

Hef annars varla vitað hvað ég á af mér að gera þessa síðustu daga. Engar skólabækur sem bíða, ekkert sem á eftir að lesa og ekkert sem bíður þess að vera gert. Eiginlega alveg óþekkt tilfinning svona síðustu árin, svo mér datt helst í hug að fara að lesa um nýrun, fyrst ég á nú einu sinni bókina sem efnið er í. Beytti sjálfa mig ströngu til að VERA Í FRÍI!!!! og lesa Harry Potter sem er í millilendingu hérna á leiðinni til Íslands ! Maður kann þetta varla lengur!

Annars er enn einn missirinn við það að búa í útlöndum í dag. Bidda móða á afmæli í dag, og heldur upp á 50 árin sín á Litla-Lóni í blíðskaparveðri. Væri sko meira en til í að vera þar með ykkur öllum! :o( En það verða bara hjartanlegar afmælisóskir frá mér til þín Bidda, og góða skemmtun í partýinu! :o)

Loksins loksins loksins

2007-06-19T17:52:00.000+02:00

er ég komin í sumarfrí!!!

Síðasta, og fyrsta, prófið í dag. Öll fögin í einum pakka og stór slaufa utan um, eins og venjan er hérna í dk. Tívolí á morgun með íslenska genginu, og svo bara, allt það sem átti að gera "eftir nítjánda..."

Slökun í 5-10 daga, og svo bara vinna á fullu. Ohh, þetta verður svo ljúft!!!!!

And by the way.

Við erum komin með íslenskan síma!!!

Já, þið lásuð rétt, það er hægt að hringja í okkur á íslenskum heimasímataxta (að því gefnu að þið hringið úr heimasíma ;o)

Númerið er 496-0389,

can't wait to hear you!!!! :o)